មនុស្សពិសេស ៥រូប មានសំណាង បាន Jennie ធ្វើនំសូកូឡាផ្ទាល់ដៃ ជូនថ្ងៃ Valentine

ជាទម្លាប់ឱ្យតែដល់ថ្ងៃទិវានៃក្ដីស្រឡាញ់ មនុស្សម្នាជាច្រើនដែលប្រារព្ធទិវានេះ តែងតែជូនអំណោយគ្នាទៅវិញទៅមក ដើម្បីជាការអបអរ និងបញ្ជាក់ពីក្ដីស្រឡាញ់របស់ខ្លួនចំពោះអ្នកជុំវិញខ្លួន។

ចំពោះ Jennie សមាជិក BLACKPINK វិញ ក៏មិនខុសពីមហាជនទូទៅដែរ អំឡុង Valentine’s Day ម្សិលមិញ នាងបានធ្វើនំសូកូឡាដោយផ្ទាល់ដៃ ដើម្បីជូនមនុស្សពិសេស ៥នាក់ ដែលជិតដិតស្និទ្ធស្នាលជាមួយនាងជាងគេ ក៏ជាបុគ្គលដែលនាងស្រឡាញ់បំផុត បន្ទាប់ពីគ្រួសាររបស់នាង។ មនុស្សពិសេសទាំង ៥នាក់នោះរួមមាន៖

១. ផលិតករក្រុមហ៊ុន YG លោក Teddy

មនុស្សដែលទទួលបាននំសូកូឡាBI Jennie ដំបូងគេ នោះគឺលោក Teddy ផលិតករសំខាន់មួយរូបរបស់ក្រុម BLACKPINK និងជាមិត្តជិតស្និទ្ធម្នាក់របស់ Jennie ផងដែរ។

២. អ្នកចាត់ការ លោក Soonho

មនុស្សពិសេសម្នាក់ទៀត ដែល Jennie បានជូនអំណោយនំសូកូឡានៅថ្ងៃទិវានៃក្ដីស្រឡាញ់ គឺរៀមចម្បង Choi Soonho ដែលជាអ្នកគ្រប់គ្រងសិល្បករនៅផលិតកម្ម THE BLACK LABEL ។

៣. មិត្តរួមក្រុម គឺ Lisa, Jisoo និង Rosé

សមាជិកទាំង ៣នាក់ផ្សេងទៀតនៃក្រុម BLACKPINK ប្រៀបដូចជាគ្រួសាររបស់ Jennie អ៊ីចឹង ព្រោះកន្លងមកនាងធ្លាប់ចែករំលែកថា សមាជិកទាំង៣ជាបងប្អូនស្រីល្អបំផុតរបស់នាង។

នៅថ្ងៃ Valentine ម្សិលមិញ Jennie បាន​ធ្វើ​សូកូឡាជាពិសេស​ជូនដល់ Lisa, Jisoo និង Rosé ដោយសរសេរអក្សរតំណាងឈ្មោះពួកនាងលើនំទៀតផង៕

ប្រែសម្រួល៖ សន្យា

ចុចអាន៖ មានភស្តុតាងបង្ហាញថា Jung Kook សមាជិក BTS ធ្លាប់ណាត់ជួបតារាសម្តែង Lee Yoo Bi

ចុចអាន៖ Rain និងភរិយា ទិញផ្ទះតម្លៃវាល់លាននៅអាមេរិក ទុកឲ្យកូនស្នាក់នៅពេលកំពុងសិក្សា