មកស្គាល់កាន់តែច្បាស់ ពីអនាគតភរិយារបស់តួអង្គ Captain America

តារាសម្ដែងសញ្ជាតិអាមេរិកលោក Chris Evan ដែលគ្រប់គ្នាភាគច្រើនស្គាល់ថាជាតួអង្គ Captain America ចាប់ផ្ដើមមានស្នេហាច្បាស់លាស់ហើយ នារីដ៏សំណាងនោះគឺ Alba Baptista អាយុ ២៥ ឆ្នាំ ។ ខាងក្រោមនេះជារឿង ៣ យ៉ាងដែលយើងគួរដឹងពី Alba ៖

១. នាងគឺជាតារាសម្ដែង

រឿងល្បីបំផុតសម្រាប់ Alba គឺ “អ្នកចម្បាំងយាយជី ឬ Warrior Nun” មានចាក់ផ្សាយក្នុង Netflix រឿងនេះនិយាយពីជីវិតក្មេងកំព្រាដែលមានយុទ្ធសិល្ប៍ហើយបានចូលរួមនិកាយសម្ងាត់ជាដូនជីតាមប្រមាញ់បិសាច ។ មិនតែប៉ុណ្ណោះ Alba ក៏ដើរតួជា Natasha នៅក្នុងរឿងភាគប្រវត្តិសាស្ត្រឆ្នាំ ២០២២ ដែរគឺ “Mrs. Harris Goes to Paris” ពីមុននាងធ្លាប់ធ្វើការនៅក្នុងកម្មវិធីព័រទុយហ្គាល់ដូចជា A Criação, A Impostora និង Jogo Duplo ទៀតផង ។

២. នាងគឺជាកូនកាត់ព័រទុយហ្គាល់ និងប្រេស៉ីល

តារាសម្ដែងកូនកាត់រូបនេះមានស្រុកកំណើតនៅទីក្រុងលីសបូន ប្រទេសព័រទុយហ្គាល់ និងចេះនិយាយ ៥ ភាសារួមមាន អាឡឺម៉ង់, អង់គ្លេស, បារាំង, អេស្ប៉ាញ, និងព័រទុយហ្គាល់ ។

៣. ស្នេហារបស់នាងគឺជាទំនាក់ទំនងច្បាស់លាស់

មានសេចក្ដីរាយការណ៍មួយកាលពីខែវិច្ឆិកា ឆ្នាំ ២០២២ ផ្សព្វផ្សាយថា Chris និង Alba ប្រៀបបីដូចមនុស្សតែមួយ អ្នកទាំងពីរស្រលាញ់គ្នាជាងមួយឆ្នាំហើយគេសង្កេតឃើញ Chris សប្បាយចិត្តជាងមុនឆ្ងាយណាស់សូម្បីតែគ្រួសារនិងមិត្តភ័ក្តិសុទ្ធតែស្រលាញ់ពេញចិត្ត Alba ទាំងអស់ ។

ត្រលប់មកតួអង្គ Captain America វ័យ ៤១ ឆ្នាំខាងលើវិញ លោកតែងតែសង្ឃឹមថាអាចចាប់ផ្ដើមគ្រួសារនៅថ្ងៃណាមួយនឹងគូព្រេងរបស់ខ្លួនព្រោះស្នេហានិងគ្រួសារសំខាន់ជាងស្នាដៃការងារសម្រាប់ជីវិតមនុស្ស ជាពិសេសជីវិត Chris ផ្ទាល់តែម្ដង ៕

ប្រែសម្រួល ៖ វារី

ចុចអាន ៖ អតីតអ្នកកីឡាកាស Dave Bautista បញ្ចប់ក្ដីសុបិនចង់ដើរតួជា Bane ក្នុងរឿងមនុស្សប្រចៀវ