Selena Gomez លើកទឹកចិត្តអ្នកប្រឈមជំងឺផ្លូវចិត្ត តាមរយៈសាច់រឿងពិតរបស់ខ្លួន

តារាប៉ុបលំដាប់ពិភពលោក Selena Gomez បានបើកបង្ហាញអំពីសុខភាពផ្លូវចិត្ត (​ជំងឺ​បាយប៉ូឡា) របស់ខ្លួនជាសាធារណៈនៅក្នុងភាពយន្តឯកសារ “My Mind and Me” កាលពីចុងឆ្នាំមុន ហើយពេលនេះនាងចេញមុខនិយាយជាចំហថា ការបង្ហាញបញ្ហាសុខភាពផ្លូវចិត្តរបស់នាង ធ្វើឱ្យនាងទទួលអារម្មណ៍ជ្រះស្រឡះ ហើយក៏គ្មានភាពខ្មាសអៀនចំពោះមហាជនឡើយ។

តារាស្រីវ័យ ៣០ឆ្នាំរូបនេះ បន្ថែមថា ពេលដែលនាងអាចចែករំលែកទៅកាន់មហាជន នាងពិតជាបានធូរស្រាលចិត្ត រីឯការព្រួយបារម្ភទាំងអស់ហាក់រសាយយ៉ាងខ្លាំង ហើយនាងមិនខ្មាសបន្តិចឡើយ ទោះបីអ្នកខ្លះថានាងឆ្កួតក៏ដោយ។

ក្រោយបញ្ចេញអារម្មណ៍យ៉ាងជឿជាក់ តាមរយៈសាច់រឿងពិតរបស់នាងនៅក្នុងភាពយន្តឯកសារ ក៏ដូចជាការចេញមុខមកនិយាយជាសាធារណៈ Selena បានផ្ដាំអ្នកគាំទ្រដែលកំពុងប្រឈមនឹងបញ្ហាសុខភាពផ្លូវចិត្តទាំងអស់ កុំឱ្យពួកគេគិតថាខ្លួនអាក្រក់ដែលមានជំងឺ ព្រោះនាងជាឧទាហរណ៍ស្រាប់ ដែលអាចយកឈ្នះវាបាន៕

ប្រែសម្រួល៖ សន្យា

ចុចអាន៖ Selena Gomez ទទួលស្គាល់ថា នាងមានបញ្ហាសុខភាព ពេលកំពុងសម្រកទម្ងន់

ចុចអាន៖ កាលឆ្នាំ ២០២២ Taylor Swift គឺជាតារាស្រីតែម្នាក់គត់ រកចំណូលបានច្រើនបំផុត