ជីវិតកម្សាន្ដ

គូស្នេហ៍ពាន់លាន Patricia-Note បង្ហាញរូបភាពកូនក្នុងផ្ទៃលើកដំបូង

បានផុស

២ years មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

Patricia និងស្វាមីអ្នកជំនួញពាន់លាន Note Wiset បានបង្ហោះឃ្លិបព្រមទាំងរូបភាពមួយចំនួន ខណៈអ្នកទាំងពីរទៅឆ្លុះអេកូមើលមុខកូនលើកដំបូង និងចែកជូនដល់មហាជនដែលកំពុងតាមដានភេទកូនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រកាសដំណឹងផ្ទៃពោះលើកដំបូង និងក្លាយជាម្ដាយមួយរូបនាពេលខាងមុខនេះ តារាសម្ដែង Patricia និងស្វាមីហៃសូ បានបង្ហាញរូបភាពនៅលើបណ្ដាញសង្គមតាមរយៈវីដេអូឃ្លិបនៅពេលដែលគ្រូពេទ្យកំពុងឆ្លុះអេកូ រហូតលេចមុខកូនតូចដែលបង្ហាញថាជាភេទស្រីយ៉ាងច្បាស់ផងដែរ។ ស្របពេលនោះ មហាជនឃើញហើយ បានចូលរួមបញ្ចេញមតិអបអរសាទរដល់គ្រួសារតូចមួយនេះដ៏ច្រើនលើសលប់។

ជាមួយគ្នានេះដែរ Patricia បានបង្ហោះឃ្លិបមួយដោយសរសេរខេបសិនថា “អរគុណចំពោះសារល្អៗទាំងអស់គ្នា កូនតូចរបស់យើងពិតជាគួរឲ្យស្រលាញ់ខ្លាំងណាស់។ ហើយក៏សូមអរគុណអ្នកទាំងអស់គ្នាដែលបានអបអរយើង។ រំភើបណាស់ដែលបានទទួលតួនាទីជាម្ដាយថ្មី”។ យ៉ាងណាមិញ Note Wiset ក៏បានថតឃ្លិបទុកជាអនុស្សាវរីយ៍ ដែលនេះក៏បញ្ចាក់បានថា លោកមើលថែភរិយាបានយ៉ាងល្អប្រសើរខ្លាំង៕