ជីវិតកម្សាន្ដ

កូនប្រុសជោគជ័យ! ឪពុក លីម តិចម៉េង ទម្លាយរឿងក្ដុកក្ដួលប្រាប់ទៅកាន់អ្នកគាំទ្រ

បានផុស

២ years មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ស្របពេលដែលពន្លកតារាចម្រៀងវ័យក្មេង លីម តិចម៉េង កំពុងក្រសោបបានទីផ្សារគាំទ្រ និងការចេញច្រៀងនៅតាមឆាកតន្ត្រីស្ទើររកពេលសម្រាកគ្មាន ស្រាប់តែឪពុករបស់តារារូបនេះ បានចេញមកទម្លាយរឿងក្ដុកក្ដួលក្នុងចិត្តពីជីវិតតស៊ូរបស់ តិច ម៉េង ទៅកាន់អ្នកគាំទ្រ ពិសេសអ្នកធ្លាប់មើលងាយកូនប្រុសខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមកបង្ហាញអារម្មណ៍ពិតធ្លាប់លាក់ទុកក្នុងចិត្តជាយូរមកហើយរបស់លោក លីម សុខទី ដែលជាឪពុកលោក លីម តិចម៉េង ពេលនេះ ធ្វើឡើងក្រោយមើលឃើញពីភាពជោគជ័យក្នុងជីវិតតស៊ូ តិចម៉េង នាពេលបច្ចុប្បន្ន។ លោក លីម សុខទី បានថ្លែងពីអារម្មណ៍ផ្ទាល់ខ្លួនឲ្យដឹងបែបនេះថាខ្ញុំបាទ លីម សុខទី មួយជីវិតនេះខ្ញុំមានក្ដីរភើបខ្លាំងណាស់ដែលបានឃើញកូនតស៊ូរហូតបានជោគជ័យ ខ្ញុំសប្បាយចិត្តណាស់។

ឪពុក តិចម៉េង បញ្ជាក់ថា ថ្ងៃនេះលោកនឹងនិយាយពាក្យដែលធ្លាប់និយាយទៅកាន់អ្នកធ្លាប់មើលងាយ តិចម៉េង កាលនៅរៀនថា អ្នកណាក៏ដោយឲ្យតែមើលងាយកូនរបស់លោក លីម តិចម៉េង គឺអ្នកនឹងជាសត្រូវដ៏ធំរបស់ខ្លួន ហើយអ្នកនោះគេបានថាឲ្យលោកវិញថា កាន់ជើងកូន ធ្វើឲ្យកូនខូច តែចំណែកអ្នកនោះវិញគឺកូនគេល្អទាំងអស់ ចំណែក លីម តិចម៉េង កូន លីម សុខទី គឺមិនល្អ។

បន្ថែមពីនេះ លោក លីម សុខទី បានលើកឡើងទៀតថា “ខ្ញុំក៏សូមអរគុណទៅដល់អ្នកដែលធ្លាប់មើលងាយ តិចម៉េង កាលពីតូចជាខ្លាំង ធ្វើឲ្យកូនខ្ញុំមានការឈឺចាប់ និងប្រឹងតស៊ូរហូតបានជោគជ័យមកដល់សព្វថ្ងៃនេះ ធ្វើល្អបានល្អ ធ្វើអាក្រក់បានអាក្រក់ ធ្វើបុណ្យបានបុណ្យ សាងបាបបានបាប”។

តារាចម្រៀងវ័យក្មេងលោក លីម តិចម៉េង បន្ទាប់ពីក្លាយជាម្ចាស់ពាន បច្ចុប្បន្នត្រូវបានគេកត់សម្គាល់ឃើញថា ទាំងប្រជាប្រិយភាព និងសន្ទុះ នៃការគាំទ្រពីទស្សនិកជនគឺមានការកើនឡើងជាបន្តបន្ទាប់។ ពិសេសតាមរយៈការឡើងច្រៀងលើឆាកម្តងៗ មានអ្នកទៅគាំទ្រភ្លូកទឹកភ្លូកដីតែម្ដង។

នាពេលកន្លងមកតារាចម្រៀងមានដើមកំណើតមកពីទឹកដីខេត្តកំពង់ចាមរូបនេះ ក៏ធ្លាប់បានទម្លាយពីប្រវត្តិតស៊ូខ្លះៗមកហើយ ដោយកាលនោះ តិចម៉េង បានឲ្យដឹងថា ខ្លួនធ្លាប់ជាអតីតក្មេងឃ្វាលគោ,ធ្លាប់រត់តុតាមរោងការ និងជាសន្តិសុខជាដើម៕

អត្ថបទ ៖ ចាន់រ៉ា