ជីវិតកម្សាន្ដ

សេដ្ឋីវ័យក្មេងថៃ ១០ រូប មានដៃគូសុទ្ធតែជាស្រីស្អាតប្រចាំប្រទេស

បានផុស

២ years មុន

នៅ

ថ្ងៃសៅរ៍ ១៨ កុម្ភៈ ២០២៣

ដោយ

តារាសម្ដែងនិងអ្នកជំនួញក្នុងសង្គមស៊ីវិល័យតែងមានទំនោរចូលរួមក្នុងកម្មវិធីធំៗរួមគ្នា ដូច្នេះមិនមានអ្វីចម្លែកទេ ដែលពួកគេទាក់ទាញគ្នាទៅវិញទៅមក នៅពេលដែលបានជួបគ្នា។ ស្របពេលដែលប្រទេសថៃសំបូរទៅដោយកូនអ្នកមាន និងសេដ្ឋីលំដាប់អភិជនរស់នៅ ខណៈអ្នកខ្លះនៅលីវនិងកំពុងតាមរកគូគាប់ទ្រនាប់ចិត្ត ហើយបច្ចុប្បន្ននេះ តារាស្រីៗក្នុងវិស័សិល្បៈមួយចំនួន បានបន្តទំនាក់ទំនងជាមិត្តក្លាយជាគូស្នេហ៍ពេញសិទ្ធ។

ជាក់ស្ដែងអ្នកជំនួញប្រាក់លាន១០រូបខាងក្រោមនេះ សុទ្ធតែអាចឆក់ទាញយកបេះដូងស្រីស្អាតក្នុងវិស័យសិល្បៈសឹងតែគ្រប់ៗគ្នា ចំណែកអ្នកខ្លះចូលរោងជ័យកសាងសុភមង្គលមកទល់ពេលនេះ។

១ Nott visrut rangsisingpipat

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nott ជាបុរសសង្ហាវ័យក្មេងដែលទទួលមរតកពាន់លាននៃក្រុមហ៊ុន Racer Electric (Thailand) Co.,Ltd. ដែលគ្រប់គ្នាស្គាល់ថា ជាស្វាមីសង្ហារបស់តារាស្រី Chompoo Araya ហើយក៏រៀបអាពាហ៍ពិពាហ៍មកជា៧ឆ្នាំ រហូតមកដល់ពេលនេះពួកគេមានមាន៣នាក់ជាចំណងដៃ។ ប៉ុន្តែទោះបីជាយ៉ាងនេះក្តី ភាពផ្អែមល្ហែមមិនថមថយទាល់តែសោះសម្រាប់គូស្នេហ៍មួយគូនេះ បើទោះបីជាថ្មីនេះលេចឮចចាមអារ៉ាមក្ដី។

២ Note Wiset Rangsi

ប្អូនប្រុសរបស់អ្នកជំនួញ Nott visrut កាលពីមុនលោកធ្លាប់មានប្រវត្តិស្នេហាជាមួយកំពូលតារាជួរមុខទាំង Aum និង Pu Praya មុនពេលមានពាក្យចចាមអារ៉ាមណាត់ជួបជាមួយ Patricia Good ។ បន្ថែមពីលើការធ្វើជាអ្នកជំនួញដែលមានទេពកោសល្យ Note Wiset ក៏បានបញ្ចប់ថ្នាក់អនុបណ្ឌិតចំនួន ២ ពីប្រទេសអង់គ្លេសផងដែរ។

៣ Hiso Saint Tharapuch

បុរសសំបូរភាពផ្អែមល្ហែមនិងកក់ក្តៅរូបនេះ បានឆក់ទាញបេះដូងរបស់តារាស្រី Mew Nittha រហូតចូលរោងជ័យនៅដើមខែមករា ឆ្នាំ ២០២០។ នៅថ្ងៃទី ១២ខែកញ្ញា ឆ្នាំ ២០២១ ភរិយាបានសម្រាលបានកូនស្រីម្នាក់ឈ្មោះ Marin Kuhapremkit ។ ដោយសារតែបុព្វបុរសរបស់លោកគឺជាពាណិជ្ជករមាសដ៏ល្បីបំផុតម្នាក់នៅក្នុងប្រទេសថៃ ដូច្នេះមិនចម្លែកទេ ដែលអ្នកណាៗក៏ស្គាល់លោក។ បច្ចុប្បន្នកាន់តំណែងជានាយក និងជានាយករងនៃក្រុមហ៊ុន Globlex Holding Management Public Company Limited ដែលមានតម្លៃរាប់លានដុល្លារ ។

៤ Songkran Tejanarong

បន្ទាប់ពីបែកគ្នាជាមួយតារាសម្ដែង Aff Thaksaorn និងបន្សល់ត្រឹមកូនស្រីម្នាក់ អ្នកស្នងមរតកច្បងនៃអាណាចក្រ Bonanza Khao Yai រូបនេះបានបន្តទំនាក់ទំនងជាមួយតារាស្រី Matt Peeranee មកទល់ពេលនេះ។ គូស្នេហ៍នេះកាន់តែផ្អែមល្ហែមគួរឲ្យកត់សម្គាល់ និងតែងបង្ហោះរូបភាព ព្រមទាំងឃ្លិបគូស្នេហ៍នៅលើ Instagram ផ្ទាល់ខ្លួន។ ត្បិតថាផ្អែមល្ហែម ប៉ុន្តែពួកគេមិនមានមានគម្រោងរៀបការនូវឡើយទេ។

៥ Pupaa Taechanarong

កំលោះសង្ហារ និងជាប្អូនប្រុសបង្កើតរបស់ Songkran បានដាំដើមឈើស្នេហ៍ជាមួយនឹងតារាស្រី Mint Chalida អស់រយៈពេល ៨ ឆ្នាំមកហើយ ទោះមិនសូវមានអ្វីកត់សម្គាល់ ប៉ុន្តែជានិច្ចពួកគេតែងបង្ហោះរូបភាពផ្អែមល្ហែមជាមួយគ្នាមករហូត។ សព្វថ្ងៃ Pupaa ទទួលបន្ទុកគ្រប់គ្រងអាជីវកម្មគ្រួសារដោយមើលការខុសត្រូវសួមកម្សាន្ត The Bonanza Exotic Zoo) ហើយក៏មានហាងម៉ាកការ៉េម Minito Gelato ដោយ Mint ដែលជាមិត្តស្រីកាន់កាប់ផងដែរ។

៦ Amp Phithan Ongkosit

Amp គឺសេដ្ឋីវ័យក្មេង និងអ្នកស្នងជំនាន់ទីពីរនៃក្រុមហ៊ុននាំចេញសៀគ្វីអេឡិចត្រូនិចដ៏ធំមួយនៅអាស៊ីអាគ្នេយ៍ ដែលកំពុងកាន់តំណែងជានាយករងនៃក្រុមហ៊ុន KCE Electronics Public Company Limited ហើយក៏មានមុខរបរលក់គ្រឿងសម្អាងកូរ៉េនៅប្រទេសថៃ ក្រោមឈ្មោះ The Face Shop ផងដែរ ថែមទាំងទទួលបានសញ្ញាបត្រជាច្រើនផងដែរ។ ជាមួយនឹងមុខដ៏ស្រស់សង្ហា លោកជាមនុស្សម្នាក់ទៀតដែលធ្លាប់មានទំនាក់ទំនងស្នេហាជាមួយ Aum ប៉ុន្តែក៏បែកគ្នា ហើយប្រកាសទំនាក់ទំនងជិតរៀបការជាមួយតារាសម្ដែងស្រី Aom Sushar ទៅវិញ។

៧ Hisokorn Kornkrit

លោកជាពាណិជ្ជករថ្នាក់ខ្ពស់វ័យក្មេង ជាប្រធានប្រតិបត្តិនៃ Summit Group ដែលជាក្រុមហ៊ុនផលិតគ្រឿងបន្លាស់រថយន្តដ៏ធំមួយ។ ជាមួយនឹងតម្លៃអាជីវកម្មជាងមួយពាន់លានបាត ហើយមានអាជីវកម្មផ្ទាល់ខ្លួនជាច្រើន។ ក្រៅពីមានទេពកោសល្យ លោកក៏មានរូបរាងស្អាត សង្ហា និងទាក់ទាញ រហូតចាប់យកបេះដូងតារាសម្ដែង Bee Matika រួមរស់ជាមួយគ្នាជាង៨ឆ្នាំ។

៨ Pok Passakorn

មនុស្សជាច្រើនស្គាល់ថា Pok Passakorn ជាតារារ៉េបដ៏សង្ហានិងជាស្វាមីរបស់តារាស្រី Margie Rasri ហើយលោកក៏ជាអ្នកស្នងមរតករបស់ Central ផ្សារទំនើបធំនៅថៃ ហើយមានសណ្ឋាគារនៅក្នុងខ្សែសង្វាក់ រួមទាំងធ្វើជាប្រធានប្រតិបត្តិការសម្រាប់ក្រុមហ៊ុន Post Publishing Public Limited ដែលជាអាជីវកម្មគ្រួសារ។ បន្ថែមពីនេះ Pok និងភរិយាបានបើកអាជីវកម្មលក់សំលៀកបំពាក់ និងភេសជ្ជៈចូលហ៊ុនជាមួយមិត្តភ័ក្តិ ព្រមតាំង Chanel YouTube មួយទៀត។

៩ Korn Narongdej

ស្វាមីសង្ហារបស់របស់ Sririta Jensen ជាអ្នកជំនួញវ័យក្មេងរូបសង្ហា និងមានមុខមាត់គួរសមក្នុងអ្នកជំនួញ។ បច្ចុប្បន្ននេះ Korn ថែរក្សាមុខជំនួញក្នុងគ្រួសារ រួមជាមួយនឹងអាជីវកម្មអចលនទ្រព្យដែលបានធ្វើពីមុនមក និងអាជីវកម្មសាលាតន្ត្រី (Siam Motors) ។

១០ Pranai Phornprapha

លោកជាពាណិជ្ជករ ជានាយកគ្រប់គ្រងក្រុមហ៊ុន Siam S Brand Co., Ltd. ដែលផ្តល់សេវាកម្មថែទាំ និងការពារថ្នាំលាបរថយន្ត។ គាត់ក៏បានបើកក្រុមហ៊ុនកម្មវិធី IT ចំនួនពីរ ហើយក៏ជាម្ចាស់អាជីវកម្មភោជនីយដ្ឋានមួយឈ្មោះថា THYME និងកន្លែងហាត់ប្រាណផងដែរ។ បច្ចុប្បន្នអ្នកជំនួញពាន់លានរូបនេះជាមិត្តប្រុសរបស់តារា Taew Nathaporn៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញដំណឹងល្អភ្លាម Patricia បង្អួតពោះកាន់តែខ្ទាតជាងមុន

ចុចអាន៖Baifern បង្អួតភាពសិចស៊ីលើដើមទ្រូងតាមរយៈឈុតក្នុង