ទម្រាំបានចង្កេះស្ដើងដូចពេលនេះ Mai Davika ហាត់កីឡាមិនតិចប្រភេទទេ

ម៉ៃ ដាវីកា (Mai Davika) ជាតារាសម្ដែងស្រីល្បីឈ្មោះមួយរូបដែលកំពុងតែទទួលបានប្រជាប្រិយភាពពីសំណាក់ទស្សនិកជនពាសពេញអាស៊ី។ មិនត្រឹមតែលេចធ្លោក្នុងវិស័យសម្ដែងប៉ុណ្ណោះទេ នាងក៏ជាតារាបង្ហាញម៉ូដជួរមុខដែលមានវត្តមានលើឆាកអន្តរជាតិ និងថតស្ពតម៉ាកយីហោសុទ្ធតែប្រេនៗ។

ក្រៅពីសមត្ថភាពផ្នែកសិល្បៈ ម៉ៃ ដាវីកា ជាតារាស្រីកំពូលសម្រស់ ព្រោះនាងបានជាប់ឈ្មោះនៅលើតារាងស្រីស្អាត ជារៀងរាល់ឆ្នាំ។ ជាមួយនឹងរូបរាងដ៏ស្រឡូន បូករួមនឹងចង្កេះដ៏តូចស្ដើង តារាស្រីវ័យ ៣០ឆ្នាំរូបនេះ ត្រូវបានហ្វេនៗស្រីៗយកទុកជានិមិត្តរូបរាប់សិបលាននាក់។

ដោយសារមានចង្កេះដ៏តូចស្ដើង ម៉ៃ ដាវីកា ត្រូវបាន Asian showbiz បញ្ចូលឈ្មោះទៅក្នុងបញ្ជីស្រ្តីមានចង្កេះស្ដើងបំផុត និងស្អាតបំផុតនៅអាស៊ី វ៉ាដាច់តារាស្រីចិន និងតារាស្រីកូរ៉េ ដោយសារតែគេមិនអាចរកឃើញខ្លាញ់សូម្បី១%នៅលើចង្កេះរបស់នាង។

តាមពិតមុនមានចង្កេះដ៏តូចស្លីមបែបនេះ ម៉ៃ ដាវីកា ទម្លាប់ហាត់​កីឡា​ជា​ច្រើន​ប្រភេទ និង​ញ៉ាំ​អាហារ​តឹង​តែងខ្លាំងផងដែរ ​ដើម្បី​រក្សា​រាង​។ នាងតែងតែហាត់ប្រដាល់ យូហ្គា ដើរ និងរត់ ជាប្រចាំ។

យ៉ាងណាមិញ ក្រៅពីហាត់ប្រាណ អតីតតួនាងណាតរូបនេះ តែងតែអនុវត្តរបបអាហារយ៉ាងប្រុងប្រយ័ត្ន ដោយបង្កើនការញ៉ាំអាហារដែលមានជាតិសរសៃ និងប្រូតេអ៊ីន។ ជាពិសេស ម៉ៃ ដាវីកា កាត់បន្ថយអាហារដែលធ្វើពីម្សៅ និងស្ករ ព្រមទាំងផឹកទឹកគ្រប់គ្រាន់ផងដែរ៕

ប្រែសម្រួល៖ សន្យា

ចុចអាន៖ Mai Davika ប្រែសម្រស់ជាបវរកញ្ញា មើលសឹងមិនស្គាល់

ចុចអាន៖ ប៉ុន្មានថ្ងៃទៀតចូលរោងការ Ananda បញ្ចេញរូប Pre-Wedding សុទ្ធតែស្រើបស្រាល