ជីវិតកម្សាន្ដ

Prang តួឯកស្រីរឿង “ស្នេហាមេឃដី” កំពុងអង្រួនបេះដូងប្រុសៗទូទាំងប្រទេស

បានផុស

២ years មុន

នៅ

ថ្ងៃពុធ ២២ កុម្ភៈ ២០២៣

ដោយ

តារាសម្ដែងស្រី Prang Kannarun កំពុងធ្វើឲ្យបេះដូងប្រុសៗញាប់ញ័រ បន្ទាប់ពីឃើញឃ្លិបស្រែកច្រៀងយ៉ាងសប្បាយរីករាយទៅតាមចង្វាក់ភ្លេង ស្របពេលឈុតដែលនាងស្លៀកថ្ងៃឡើងឆាកពិតជាស្អាតប្លែកភ្នែកខ្លាំង និងសិចស៊ីចាស់ដៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Prang Kannarun បានចាប់កាន់ក្បាលមីក្រូច្រៀងតាមទេពកោសល្យរបស់នាងដែលមានកន្លងមក ដោយបង្ហាញពីជំនាញច្រៀងដ៏មានទឹកដមសំឡេងពីរោះ និងការរាំយ៉ាងទន់ល្វតល្វៃ ហើយការសម្ដែងរបស់ Prang មួយនេះថែមទាំងទទួលបានការសាទរពីមហាជនដែលមានវត្តមាននៅទីនោះ។

ជាក់ស្ដែងងាកទៅកាន់ហ្វេនប្រុសៗរបស់តារាសម្ដែងរូបនេះវិញ មិនថានៅក្រៅឆាកសម្ដែងនិងនៅលើបណ្ដាញសង្គម IG ផ្ទាល់ខ្លួនរបស់នាងនោះទេ គ្រប់គ្នាហាក់បង្ហាញការពេញចិត្តលើឈុតដែលជ្រើសយកមកស្លៀកក្នុងថ្ងៃនេះយ៉ាងខ្លាំង។ជាងនេះទៅទៀត ពួកគេគេក៏បញ្ចេញមតិស្របគ្នាថា Prang កាន់តែនៅលីវកាន់តែស្រស់ស្អាតទ្វេរគុណនិងមានភាពល្បីល្បាញជាងពីមុនថែមទៀត។

យ៉ាងណាមិញ នេះមិនមែនជាលើកមួយទេ ដែលតួឯកស្រីក្នុងរឿង “ស្នេហាមេឃដី” បង្ហើរសំនៀងនិងស្លៀកពាក់សិចស៊ីបង្អួតរាងដល់ទស្សនិកជនកណ្ដាលឆាក។ ជារឿយៗអ្នកគាំទ្រតែងឃើញ Prang បង្ហោះពីឃ្លិបច្រៀងលេងឬបញ្ចេញសមត្ថភាពពិតៗឲ្យមហាជនទះដៃអបអរសាទរដល់នាងជានិច្ច៕