ជីវិតកម្សាន្ដ

ក្រុមហ៊ុន HYPE ក្លាយជាម្ចាស់ភាគហ៊ុនធំបំផុតក្នុងផលិតកម្ម SM

បានផុស

២ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

ក្រុមហ៊ុន K-pop Hype ប្រកាសទិញបានភាគហ៊ុន ១៤.៨ ភាគរយនៅក្នុងក្រុមហ៊ុនគូប្រជែងឧស្សាហកម្មរបស់ខ្លួន គឺ SM Entertainment ដើម្បីក្លាយជាម្ចាស់ភាគហ៊ុនធំបំផុត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយកាលពីថ្ងៃទី ១០ ខែកុម្ភៈ ក្រុមហ៊ុនបានយល់ព្រមទិញភាគហ៊ុនពីស្ថាបនិក និងជាអតីតប្រធានផលិតករ SM Entertainment គឺលោក Lee Soo-man ក្នុងតម្លៃ ៤២២.៨ ពាន់លានវ៉ុន (៣៣៥.៨ លានដុល្លារ) ដោយកិច្ចព្រមព្រៀង នឹងត្រូវបំពេញថ្ងៃទី ៦ ខែមីនា ខាងមុខ ។

នៅពេលទិញបានភាគហ៊ុននេះហើយ នាយកប្រតិបត្តិ Hype គឺលោក Park Ji-won ក៏បានផ្ញើសារទៅកាន់សិល្បករ អ្នកគាំទ្រ បុគ្គលិក និងម្ចាស់ភាគហ៊ុនរបស់ SM ថា ក្រុមហ៊ុនរបស់លោក នឹងគោរពតាមយុទ្ធសាស្ត្រកំណើន “SM 3.0” ដើម្បីសម្រេចឲ្យបានគោលដៅដែលកំណត់ ។

លោក Park បាននិយាយទៀតថា Hype នឹងគាំទ្រយ៉ាងសកម្មដល់សិល្បករ SM ដែលស្វែងរកឱកាសដើម្បីឈានទៅទីផ្សារក្រៅប្រទេសតាមរយៈសមត្ថភាពរបស់ពួកគេ និងចែករំលែកចំណេះដឹងទាក់ទងនឹងទីផ្សារ K-pop នៅក្រៅប្រទេសដល់ SM ថែមទៀតផង ។

គួរឲ្យដឹងថា Hybe គឺជាក្រុមហ៊ុនបណ្តុះបណ្តាលសកម្មភាព K-pop ដ៏ល្បីដូចជា BTS, Seventeen, Tomorrow X Together, Enhypen, NewJeans និង Le Sserafim ខណៈដែល SM Entertainment ក៏ជាភ្នាក់ងារ K-pop ដ៏កំពូលរបស់ EXO, Red Velvet, NCT និង aespa ផងដែរ ៕

ប្រែសម្រួលដោយ ៖ នាង រតនៈ

ប្រភព ៖ Korean Times