ឆ្នាំ២០២៣ តារាប្រុស Nadech Kugimiya មានទ្រព្យសម្បត្តិប៉ុន្មានក្នុងដៃ?

Nadech Kugimiya ជាតារាសម្ដែងដ៏មាន​ឥទ្ធិពលមួយរូបនៅក្នុងប្រទេស ​ព្រមទាំងជាតារាប្រុសដែលទទួលបានប្រជាប្រិយភាពខ្លាំងក្លានៅតាមបណ្ដាប្រទេសជិតខាងថៃ ក៏ដូចជាតំបន់អាស៊ីផងដែរ។ ឥទ្ធិពលរបស់ Nadech ជួយឱ្យលោកអាចរកចំណូលបានយ៉ាងក្រាស់ក្រែលពីការផ្សព្វផ្សាយពាណិជ្ជកម្ម ថតភាពយន្ត និងចូលរួមព្រឹត្តិការណ៍ធំៗនៅក្នុងស្រុកថៃ។

យោងតាមការចុះផ្សាយរបស់គេហទំព័រ networthspot បានទម្លាយថា ក្នុងមួយឆ្នាំ តារាសម្ដែង Nadech Kugimiya អាចរកចំណូលបានប្រហែល ១.១១លានដុល្លារអាមេរិកពីការថតស្ពត និងការផ្សាយពាណិជ្ជកម្មតាមបណ្ដាញសង្គម Instagram ផ្ទាល់ខ្លួន។ ទោះយ៉ាងណា ប្រសិនបើបូកបញ្ចូលទាំងប្រាក់ចំណូលពីការថតកុន និងចូលកម្មវិធីនានានៅក្នុងប្រទេស Nadech ​អាចរកចំណូលបានប្រហែល ២.២១លានដុល្លារអាមេរិក ក្នុងមួយឆ្នាំ។

ដោយឡែកបើយោងតាមការចុះផ្សាយរបស់គេហទំព័រ gdatemart បានរាយការណ៍ថា ក្នុងឆ្នាំ២០២៣នេះ Nadech កើនទ្រព្យសម្បត្តិសុទ្ធចន្លោះពី ៨.៨៤-១៥លានដុល្លារអាមេរិក៕

ប្រែសម្រួល៖ សន្យា

ចុចអាន៖ ម្ដាយ Nadech បង្ហាញវីឡាថ្មី ដែលកូនប្រុសត្រៀមរស់នៅជាមួយ Yaya ក្រោយរៀបការ

ចុចអាន៖ ទ្រព្យសម្បត្តិ Yaya ឆ្នាំនេះ កើនឡើងវាល់លានដុល្លារ មិនចាញ់តារាស្រីរួមជំនាន់ឡើយ