Janie ប្រកាសវិលចូលសិល្បៈវិញ ហើយអាចនឹងថតឈុតរោលរាលលើសមុន

អ្នកម្តាយកូនមួយ Janie Tienphosuwan បានទម្លាយអារម្មណ៍​ពិតក្នុងឱកាសប្រារព្ធ​​ខួប៥៣​ឆ្នាំ​នៃ​កម្មវិធី​កម្សាន្ត​របស់​ស្ថានីយ​ទូរទស្សន៍​​​​ប៉ុស្តិ៍​លេខ​៣ ថា ​​នាងនឹងប្រឡូកក្នុងវិស័យសិល្បៈវិញយ៉ាងពេញទំហឹង ស្របពេលដែលស្វាមី​អនុញ្ញាត ហើយថែមទាំង​ថតឈុតរោលរាលលើសមុនទៀតផង។

ថ្លែងនៅក្នុងបទសម្ភាសន៍ជាមួយអ្នកសារព័ត៌មានតារាសម្ដែងថៃ Janie បាននិយាយទាំងញញឹមថា នៅពេលនេះនាងកំពុងមមាញឹកខ្លាំងជាមួយការងារ​នៅឯបរទេស ​ហើយក៏កំពុងតែមានគម្រោង​បង្កភាពភ្ញាក់ផ្អើល​លំដាប់ពិភពលោក ដោយ​មិន​លើស​ពី​២​ខែ​ទៀតទេ នាងនឹងបង្ហាញឲ្យទស្សនិកជនបានដឹងជាក់ជាមិនខាន។

ទោះយ៉ាងណា នាងក៏បានបង្ហើបខ្លះៗថា ខ្លួននាងផ្ទាល់បានរៀបចំខ្លួនយ៉ាងល្អបំផុតសម្រាប់ម៉ាក Victoria’s Secret ខាងមុខនេះ ខណៈ Janie ក៏បាននិយាយបន្ថែមទៀតថា “ឆ្នាំ​នេះ​ជា​ឆ្នាំ​ដែលខ្ញុំតាំង​ចិត្ត​មើល​ថែ​ខ្លួន​ឯង​កាន់​តែ​ខ្លាំង។ ខ្ញុំ​ពិត​ជា​ចង់​ប្រកួត​ជាមួយ​ខ្លួន​ឯង​ណាស់ ស្ត្រី​មិន​ចាំបាច់​ប្រកួត​ជាមួយ​អ្នក​ណា​ទេ។ ការប្រកួតប្រជែងជាមួយខ្លួនអ្នកគឺជារឿងសំខាន់បំផុត។ តើយើងអាចមើលថែខ្លួនឯងបានប៉ុន្មាន? ទាំង​អាហារ រាងរៅ ចិត្ត និង​សុខភាព​ផ្លូវ​កាយ​ផង​ដែរ”។

ក្នុងពេលដែលនាងកាន់តែស្រលាញ់ខ្លួនឯងជាងមុន តារាម៉ូដែលរូបនេះថា បើនិយាយពីការងារក្នុងវិស័យសិល្បៈនាងនឹងវិលមកប្រឡូកពេញទំហឹងវិញ ហើយអាចក្នុងឈុតរោលរាលជាងមុន ព្រោះស្វាមីវ័យក្មេងរបស់​​ Janie ជាប្តីចេះយល់ចិត្ត ហើយក៏មិនប្រច័ណ្ឌដែរ បើនាងវិលមកវិញនោះ៕

ប្រែសម្រួល៖ សាង ស្រីល័ក្ខ

ចុចអាន៖ស្ងាត់ៗ Mai Davika ឡើងវិឡាថ្មី តម្លៃខ្ទង់លានឯណោះ

ចុចអាន៖Aum បង្ហោះរូបមួយសន្លឹក ក្នុងអាងទឹកទាំងកណ្ដាលអាធ្រាត្រ