ជាទូតសុឆន្ទៈឲ្យប្រេនតែមួយ តែតារាថៃ Bright វ៉ាដាច់ Son Heung Min រកចំណូលខ្ពស់បំផុត

កម្មវិធី Burberry Fall/Winter 2023 ដែលជា​បណ្ដុំ​ដំបូង​​ដោយលោក Daniel Lee បានបង្កើតតម្លៃប្រព័ន្ធផ្សព្វផ្សាយខ្ពស់​បំផុតជាមួយនឹង​របាយការណ៍ទឹកប្រាក់ចំនួន ៥.៣ លានដុល្លារ​ នៅ London Fashion Week ដែលទើបតែ​បាន​បញ្ចប់​កាលពីពេលថ្មីៗនេះ។

យោង​តាម​របាយការណ៍​របស់ ​​WWD បានបញ្ចាក់ថា ​​តារាថៃកំពុងល្បីឈ្មោះ​ Bright Vachirawit Chivaaree ដែលបានតែងតាំងជាទូត​សុឆន្ទៈ​របស់ប្រេនលំដាប់អន្តរជាតិ Burberry ប្រចាំ​តំបន់​អាស៊ី​ប៉ាស៊ីហ្វិក​ខាង​ត្បូង បាន​ជួយ​ឲ្យ​ការ​លក់​កើនឡើង​ខ្ពស់​បំផុត​ចំនួន ១.៩ លាន​ដុល្លារ ស្របពេលដែលអ្នកតាម​ពី​ក្រោយ​គឺ​កីឡាករ​ជម្រើស​ជាតិ​កូរ៉េ​ខាង​ត្បូង Son Heung Min មកពី​ក្លឹបមាន់ខ្នាយមាស Tottenham Hotspur ​រក​បាន ១.៧ លាន​ដុល្លារឯណោះ ។

ទោះយ៉ាងណា តារាប្រុសទាំងពីរនេះត្បិតថាកំពុងវ៉ាជែងគ្នាយ៉ាងខ្លាំងក្លាក្នុងការរកចំណូលឲ្យប្រេនលំដាប់ក្ដី តែរាល់ការបង្ហាញខ្លួនរបស់ពួកគេតែងតែទទួលបានបានការចាប់អារម្មណ៍យ៉ាងខ្លាំងក្លា ពីសំណាក់អ្នកគាំទ្រ។ Bright Vachirawit កៀរគរចំណូលបានពីក្រុមយុវវ័យ ខណៈ Son Heung Min បានមកពីហ្វេនបាល់ទាត់៕

ប្រែសម្រួល៖ សាង ស្រីល័ក្ខ

ចុចអាន៖Jun Ji Hyun និង Son Heung Min ភ្ញាក់ផ្អើលខ្លាំង ពេលជួបគ្នាចៃដន្យនៅទីក្រុងឡុងដ៍