ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប

ប៉ូលិសបានរកឃើញក្បាលរបស់តារាស្រីហុងកុង Abby Choi នៅក្នុងឆ្នាំងស៊ុបដ៏ធំមួយពោលគឺប៉ុន្មានថ្ងៃបន្ទាប់ពីករណីឃាតកម្មដ៏សាហាវឃោរឃៅរបស់នាង ត្រូវបានលាតត្រដាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ជនសង្ស័យម្នាក់ទៀត ដែលជាគូស្នេហ៍អតីតឪពុកក្មេក របស់ Choi ត្រូវបានចាប់ខ្លួន នាំឲ្យជនសង្ស័យសរុបពាក់ព័ន្ធករណីនេះ​ កើនដល់៥នាក់។

នៅក្នុងការសង្ខេបព័ត៌មានកាលពីល្ងាចថ្ងៃអាទិត្យទី២៦ខែកុម្ភៈ ក្រុមអ្នកស៊ើបអង្កេតរបស់ប៉ូលិសបញ្ជាក់ថា ពួកគេបានរកឃើញក្បាល និងឆ្អឹងជំនីរនៅក្នុងឆ្នាំងស៊ុប ក្នុងផ្ទះនៅសង្កាត់ Tai Po នៃទីក្រុងហុងកុង។

ទោះបីជាយ៉ាងណាក៏ដោយ ការធ្វើតេស្ត DNA គឺចាំបាច់ ដើម្បីបញ្ជាក់អំពីក្បាលនិងឆ្អឹងជំនីរទាំងនេះ។

ស្របពេលជាមួយគ្នានោះដែរ ប៉ូលិស​កំពុង​បន្ត​ស្រាវជ្រាវ​រក​បំណែក​សាកសព​ដែល​នៅ​បាត់ រួម​ទាំង​ដៃ និង​ដងខ្លួន​របស់​នាង​ផង​ដែរ។

ផ្នែកខ្លះនៃសាកសព ត្រូវបានរកឃើញកាលពីថ្ងៃសុក្រនៅក្នុងផ្ទះ Tai Po ដោយជើងត្រូវបានរកឃើញក្នុងទូរទឹកកកក។ ម៉ាស៊ីនកិនសាច់ រណារអគ្គិសនី ញញួរ របាំង​មុខ និង​អាវ​ភ្លៀង​ពណ៌​ខ្មៅ ក៏​ត្រូវ​បាន​រក​ឃើញ​នៅ​កន្លែង​កើត​ហេតុ​ផង​ដែរ។

អតីតប្តីរបស់ Choi ឈ្មោះ Alex Kwong អាយុ ២៨ ឆ្នាំត្រូវបានចាប់ខ្លួនកាលពីថ្ងៃសៅរ៍ ប៉ុន្តែមិនទាន់ត្រូវបានចោទប្រកាន់នៅឡើយទេ។ គាត់ត្រូវបានបញ្ជូនទៅមន្ទីរពេទ្យ Queen Elizabeth ដើម្បីពិនិត្យបញ្ហាសតិអារម្មណ៍៕

ប្រែសម្រួល៖ Vann Vann

ប្រភព៖ Straits Times

ចុចអាន៖ លោក ស៊ី ជីនពីង ធ្វើដំណើរទៅ ហុងកុង លើកដំបូង ចាប់តាំងពីឆ្នាំ២០១៧