ជីវិតកម្សាន្ដ

មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ

បានផុស

២ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

តារាសម្ដែង Margie Rasri បង្ហាញមុខក្នុង YouTube របស់ Mai Davika ដោយមានវត្តមានម្ចាស់ឆានែល, Mint Chalida និង Mew Nitth ព្រមទាំងឆ្លើយសំណួរលើប្រធានបទមួយ ប៉ុន្តែបែរប៉ះពាល់អារម្មណ៍អ្នកគាំទ្រទូទាំងប្រទេសថៃជាច្រើនទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូឃ្លិបឆ្លើយឆ្លងសំណួរទៅមករវាងតារាទាំង៤ដួង អ្នកម្ដាយកូនពីរ Margie Rasri បាននិយាយថា “ខ្ញុំបានធ្វើការជាមួយមនុស្សម្នាក់ ហើយវាមិនល្អបំផុតនោះទេ។ ហើយបើសិនធ្វើការជាមួយគ្នាម្ដងទៀត ខ្ញុំមិនសុំធ្វើការរួមទៀតទេ។ ដែលចម្លើយរបស់នាង បានធ្វើឲ្យមានការរិះគន់និងក្លាយជាចំណុចពុះកញ្ជ្រោល ពីសំណាក់អ្នកនិយមលេងបណ្ដាញអ៊ីនធឺណិត រហូតក្លាយជាប្រធានបទទាក់ទាញការជជែកគ្នាពេញបណ្ដាញសង្គម។

យ៉ាងណាមិញ ក្រោយមហាជនបានទស្សនាវីដេអូនិងជជែកវែកញែក ក្នុងនោះមានការសន្និដ្ឋានជាច្រើនអំពីមនុស្សដែល Margie បាននាងឡើកឡើង ហើយមួយក្នុងចំណោមនោះ និងត្រូវចំគោលដៅជាងគេ គឺតារាស្រីរួមទ្រនំប៉ុស្តិ៍លេខ ៣ Bella Ranee រហូតក្លាយជាប្រធានបទជជែកដេញដោល និងប៉ះពាល់ដល់អ្នកម្ខាងទៀតផងដែរ។

ទោះយ៉ាងណា Margie Rasri បានបង្ហោះសារតាមរយៈ IG Story ដើម្បីបញ្ជាក់ឈប់ឲ្យអ្នកគាំទ្រមានការយល់ច្រឡំ ដោយនាងថា “មិនមែន Bella ទេអ្នកទាំងអស់គ្នា! ខ្ញុំមិនធ្លាប់មានទំនាក់ទំនង ឬធ្លាប់មានទំនាស់ជាមួយ Bella ទាំងពីមុននិងបច្ចុប្បន្ននេះ”។