ជីវិតកម្សាន្ដ

Fan Bingbing ត្រលប់មកម្ដងនេះ កាន់តែស្រស់ស្អាតលើសមុន

បានផុស

២ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

តារាសម្ដែងចិន Fan Bingbing បានបង្ហាញមុខក្នុងប្រព័ន្ធផ្សព្វផ្សាយ ដោយដើរលើកម្រាលព្រំក្រហមយ៉ាងជឿជាក់ ក្រោយបាត់មុខដល់ទៅជាង៥ឆ្នាំពីវិស័យភាពយន្ត ដោយសារតែរឿងអាស្រូវគេចពន្ធកាលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើបាត់មុខពីវិស័យសម្ដែងដល់ជាង៥ឆ្នាំពិតមែន តែយ៉ាងណានៅពេលដែលសម្ដែងចិនរូបនេះបានដើរលើកម្រាលព្រំក្រហម សម្រស់របស់នាងបានបង្កើតចំណាប់អារម្មណ៍ដល់អ្នកគាំទ្រជុំវិញពិភពលោក និងក្លាយជាប្រធានបទនៃព័ត៌មានដ៏គួរឲ្យភ្ញាក់ផ្អើលនៅក្នុងឧស្សាហកម្មនេះផងដែរ។

តារាចិន Fan Bingbing បានជ្រើសរើសឈុតយ៉ាងសាមញ្ញដែលមានយីហោ Christopher Bu បើទោះបាត់មុខពីប្រព័ន្ធផ្សព្វផ្សាយ៥ឆ្នាំក៏ពិតមែន ប៉ុន្តែសម្រស់របស់នាងនៅតែស្រស់ស្អាតមិនប្រែប្រួលទៅណាសូម្បីតែបន្តិច។ ដែលនេះបញ្ចាក់បានថា នាងពូកែមើលថែសម្រស់បានយ៉ាងល្អប្រសើរ ទោះកំពុងស្ថិតក្នុងសំពាធក្ដី។

សូមជម្រាបដែរថា Fan Bingbing បានបង្ហាញខ្លួននៅក្នុងមហោស្រពភាពយន្តអន្តរជាតិទីក្រុងប៊ែកឡាំងលើកទី ៧៣ ជាមួយនឹងខ្សែភាពយន្តរឿង ‘Green Night’ ជាការសម្ដែងរួមគ្នាជាមួយតារាកូរ៉េខាងត្បូង Lee Joo Young ដែលត្រូវបានគេស្គាល់ច្រើនតាមរយៈតួសម្ដែងរបស់នាងជា ‘Ma Hyun Yi’ ក្នុងរឿង “Itaewon Class”៕