រូបរាងរបស់ ​Janie កំពុងរងការរិះគន់ថា ដូចមនុស្សទាស់សរសៃ

ក្រោយប្រកាសវិលចូលសិល្បៈយ៉ាងពេញទំហឹងឡើងវិញ ជាមួយនឹងរូបរាងស្រកគីឡូជាងមុន តារាស្រីកូនមួយ Janie Tienphosuwan រងពាក្យរិះគន់សឹងមួយចំហៀងប្រទេសថា រូបរាងរបស់នាងដូចមិនមែនអ្នកហាត់ប្រាណយករាង តែវាដូចស្ត្រីទើបសម្រាល ហើយទាស់សរសៃទៅវិញ។

តារាសម្ដែង និងបង្ហាញម៉ូដ Janie កំពុងត្រូវអ្នកនិយមលេងអ៊ីនធឺរណិត ពោលរិះគន់ដោយមិនក្រែងចិត្តលើរូងរាងរបស់នាងថាមិនស្អាត ស្គមជ្រុល និងមានតែឆ្អឹងជំនី រហូតមានអ្នកខ្លះហ៊ានពោលថា នាងដូចមនុស្សទាស់សរសៃទៀតផង។ ពួកគេនាំគ្នានិយាយថា រូបរាងរបស់នាង កាលពីមុនគួរឱ្យស្រឡាញ់ និងស្រស់ស្អាតជាង។

ថ្វីត្បិតមានការរិះគន់យ៉ាងណាក្ដី តារាស្រីវ័យ ៤១ឆ្នាំរូបនេះ ហាក់មិនអើពើនោះទេ នាងផ្ដោតតែលើអាជីពរបស់ខ្លួនប៉ុណ្ណោះ ខណៈហ្វេនរបស់ Janie ក៏បានចេញមកបង្ហាញការគាំទ្រ និងឆ្លើយតបជំនួសទៅកាន់អ្នករិះគន់ថា ទោះបី Janie ក្លាយទៅជាបែបណា វាជាជម្រើសរបស់នាង អ្នកដទៃមិនគួរបញ្ចេញមតិជាន់ពន្លិចជម្រើសរបស់នាងឡើយ៕

ប្រែសម្រួល៖ សន្យា

ចុចអាន៖ Janie ប្រកាសវិលចូលសិល្បៈវិញ ហើយអាចនឹងថតឈុតរោលរាលលើសមុន

ចុចអាន៖ Janie ប្រកាសឈប់យកទាយាទ​ ក្នុងវ័យ ៤១ឆ្នាំ