មកដឹងកាន់តែច្បាស់ ពីជំងឺប្រចាំកាយរបស់ Selena Gomez

តារាចម្រៀងវ័យ ៣០ ឆ្នាំ Selena Gomez មានផ្ទុកជំងឺលុយពីស ដែលជាប្រភេទ “Lupus myositis rheumatoid overlap” ធ្វើឲ្យរលាកសាច់ដុំ និងសន្លាក់ ។ 

ជំងឺលុយពីសគឺជាជំងឺប្រព័ន្ធភាពស៊ាំមួយប្រភេទទដែលរាងកាយធ្វើការវាយប្រហាទៅលើសរីរាង្គ និងជាលិកាខ្លួនឯង ។ការរលាកដោយសារតែជំងឺនេះអាចកើតឡើងលើសន្លាក់ ស្បែក តម្រងនោម កោសិកាគ្រាប់ឈាម ខួរក្បាល បេះដូង និងសួត ។ 

ពាក់ព័ន្ធបញ្ហានេះ ជំងឺលុយពីសអាចពិបាកក្នុងការធ្វើរោគវិនិច្ឆ័យដោយសាររោគសញ្ញារបស់វាតែងតែធ្វើត្រាប់តាមជំងឺផ្សេងៗ ហើយសញ្ញាប្លែកបំផុតនៃជំងឺលុយពីសគឺកន្ទួលលើផ្ទៃមុខដែលស្រដៀងនឹងស្លាបរបស់មេអំបៅលាតត្រដាងពេញថ្ពាល់ទាំងសងខាង ។

មនុស្សមួយចំនួនកើតមកមានទំនោរទៅរកការវិវត្តន៍នៃជំងឺលុយពីសស្រាប់ដែលងាយបង្កឡើងដោយការឆ្លងមេរោគ ថ្នាំមួយចំនួន និងសូម្បីតែពន្លឺព្រះអាទិត្យ ។ 

រោគសញ្ញានៃជំងឺលុយពីសអាស្រ័យលើប្រព័ន្ធរាងកាយណាមួយដែលត្រូវបានប៉ះពាល់ដោយជំងឺនេះ ដូច្នេះរោគសញ្ញាមនុស្សម្នាក់គឺមិនដូចគ្នានោះទេ ប៉ុន្តែខាងក្រោមនេះជារោគសញ្ញាទូទៅមួយចំនួនសម្រាប់សម្គាល់បាន ៖

– ក្ដៅខ្លួន

– អស់កម្លាំង

– ឈឺសន្លាក់ រឹង និងហើម

– ស្នាមស្លាបមេអំបៅឡើងលើថ្ពាល់

– ដំបៅស្បែកពេលប៉ះពន្លឺព្រះអាទិត្យ

– ម្រាមដៃ ម្រាមជើងប្រែពណ៌ស ឬខៀវពេលត្រជាក់ ឬតានតឹង

– ដង្ហើមខ្លី 

– ឈឺទ្រូង

– ភ្នែកស្ងួត

– ឈឺក្បាល ច្រឡំ និងបាត់បង់ការចងចាំ

បើមានរោគសញ្ញាសង្ស័យថាជាជំងឺខាងលើអ្នកគប្បីទៅពិភាក្សាជាមួយគ្រូពេទ្យជាបន្ទាន់ សូមបញ្ជាក់ដែរថាលុយពីសមិនអាចព្យាបាលជាទេ បានត្រឹមតែគ្រប់គ្រងរោគសញ្ញាប៉ុណ្ណោះ ៕

ប្រែសម្រួល ៖ វារី

ប្រភព ៖ Mayoclinic

ចុចអាន ៖ Selena ទម្លាក់ Kylie ក្លាយជាតារាស្រីមានអ្នកតាមដាន IG ច្រើនជាងគេលើលោក

ចុចអាន ៖ Selena Gomez និយាយរឿងឡើងទម្ងន់ថា នាងមិនមែនជាតារាម៉ូដែលទេ