ជីវិតកម្សាន្ដ
ពែកមី ៖ ទោះក្រអត់អីស៊ី ដាច់ខាតខ្ញុំមិនឲ្យបងប្អូនកូនចៅរកស៊ីប្រម៉ូតបែបនេះទេ
ទំនងដោយឃើញនូវការហួសចិត្តខ្លាំងពេក តារាកំប្លែងល្បីឈ្មោះនាយ ពែកមី កាលពីរសៀលថ្ងៃទី ២៨ ខែកុម្ភៈ ឆ្នាំ ២០២៣ នេះ បានបង្ហោះរូបភាពមួយនៅលើទំព័រហ្វេសប៊ុកផ្ទាល់ ដោយបង្ហាញពីនារីស្រស់ស្អាតម្នាក់ស្លៀកពាក់សិចស៊ីសម្ញែងភាពស្រើបស្រាលក្នុងសកម្មភាពផ្សព្វផ្សាយលក់ផលិតផល ហាក់មិនខ្វល់ភ្នែកមហាជន។
តាមរយៈទង្វើរបស់នារីលក់ផលិតផលខាងលើនេះ ក៏ត្រូវបានអ្នកប្រើប្រាស់បណ្ដាញសង្គមហ្វេសប៊ុកជាច្រើនធ្វើការចែករំលែកភ្ជាប់ជាមួយការរិះគន់យ៉ាងចាស់ដៃ ព្រមជាមួយការបញ្ចេញមតិវែកញែកកក្រើកបណ្ដាញសង្គម ខណៈមានខ្លះទៀតក៏ស្នើដល់ក្រសួងពាក់ព័ន្ធគួរពិនិត្យលើសកម្មភាពរបស់នារីរូបនេះផងដែរ។
ងាកមកចាប់អារម្មណ៍ចំពោះតារាកំប្លែងលោក ចែម ចាន់ដារ៉ា ហៅនាយ ពែកមី ឯណេះវិញ ក្រៅតែការបង្ហោះរូបភាពនារីម្នាក់នោះ លោកក៏បានចេញមកអះអាងជំហររបស់ខ្លួនថា មួយជីវិតនេះ ទោះបីក្រអត់អីស៊ី ក៏លោកមិនឲ្យបងប្អូនកូនចៅរកស៊ីប្រម៉ូតរបៀបនេះដែរ។
តារាកំប្លែងនាយ ពែកមី កាលពីរសៀលថ្ងៃទី ២៨ ខែកុម្ភៈនេះ មិនអាចសូមការសួរនាំបន្ថែមតាមរយៈតេឡេក្រាមបានទេ ខណៈឆាតទៅ តែលោកពុំទាន់មានការឆ្លើយតប។
យ៉ាងណាមិញបន្ទាប់ពីការបង្ហោះរបស់តារាកំប្លែងនាយ ពែកមី ដូច្នេះ ភ្លាមៗនោះក៏មានមតិមួយចំនួនធំបានសម្ដែងការមិនពេញចិត្ត និងរិះគន់កប់ៗមាត់។ ប៉ុន្តែមានម្ចាស់ Account Facebook មួយបានប្រតិកម្មមកលើនាយ ពែកមី ដែលបានយករូបនារីម្នាក់នេះទៅចែកចាយបន្ត។ ដោយមិនបង្អង់យូរ នាយ ពែកមី ឆ្លើយតបវិញថា ដោយសារឃើញហួសហេតុពេក ជួយរិះគន់ទៅ ព្រោះហ្វេសប៊ុកនេះក៏មានព្រះសង្ឃ កូនសិស្ស ក៏មើលដែរ។
នាយ ពែកមី បន្ថែមថា មានអ្នកគាំទ្រ មានអ្នកទប់ខ្លះទៅ កុំឲ្យថ្ងៃមុខកាន់តែលើសហ្នឹងទៀត។ ដោយឡែកអតីតតារារ៉េបអាចារ្យ ធំ នគររាជ ថ្មីៗមុននេះ ក៏បានបញ្ចេញប្រតិកម្មរិះគន់ និងបង្ហាញការមិនពេញចិត្តជុំវិញការបង្ហាញសកម្មភាពរបស់នារីអ្នកលក់ផលិតផលអនឡាញរូបនេះផងដែរ។
ក្នុងនោះ អាចារ្យ ធំ បានស្នើដល់ក្រសួងកិច្ចការនារី គួរមានវិធានការពិនិត្យលើរឿងនេះ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ