គូស្នេហ៍ហៃសូបង្ហោះរូបមិត្តស្រី Mint Chalida អបអរខួបស្នេហ៍ ១១ ឆ្នាំ

តារាសម្ដែង Mint Chalida និងគូស្នេហ៍ហៃសូ Pupaa Taechanarong ត្រូវបានមហាជនជា​ច្រើន​ដឹងថា ពួកគេស្រលាញ់គ្នាមកច្រើនឆ្នាំហើយ។ ជាពិសេសគូនេះ តែងបង្ហាញភាពផ្អែមល្ហែម មិន​ថា​ជា​ឃ្លិប​វីដេអូ​ឬ​រូបភាពណាមួយឡើយ។

តាមរយៈ​បណ្ដាញ​សង្គម Instagram ផ្ទាល់ខ្លួន​របស់​សេដ្ឋី​វ័យក្មេង Pupaa បាន​បង្ហោះ​រូបភាព​មិត្តស្រី​ដ៏​ផ្អែមល្ហែម​​ព្រមទាំង​សរសេរ​ខេបសិន​ដើម្បី​អបអរ​ខួបស្នេហា​​ថា​ “១១​ឆ្នាំ​កន្លង​ផុត​ទៅ​ ជា​រៀង​រហូត​ Happy Anniversary ១១​ឆ្នាំ​មុន​ ដល់​ពេល​ណា​ល្អ? “​​ ខណៈខាង​ស្រី​ឯណោះ​វិញ​ ក៏​បាន​បង្ហោះ​ជា​ភាសា​អង់គ្លេស​ថា​ 4017days of us ដោយថេកឲ្យមិត្តប្រុសថែមទៀតផង។

ជាមួយគ្នា​នេះ​ដែរ​ មិត្តភ័ក្ដិ​ក្នុង​វិស័យ​សិល្បៈ​ព្រមទាំង​អ្នកគាំទ្រ​ជាច្រើន​បានចូលមកអបអរដល់​គូស្នេហ៍​ដែល​ស្រលាញ់គ្នា​បានយូរ​ជាងគេ។ យ៉ាងណាមិញ ត្បិតថាពួកគេ​មើលចិត្តគ្នាមកជាង១១ឆ្នាំក៏ពិតមែន ប៉ុន្តែ​គូស្នេហ៍​មួយ​គូ​នេះ ​នៅ​មិន​ទាន់​មាន​គម្រោង​ដឹក​ដៃ​ចូល​រោងការ​នៅ​ឡើយ​ទេ ខណៈទស្សនិកជនជាច្រើនហាក់ទន្ទឹងរង់ចាំដំណឹងល្អជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖មួយឈុតរបស់ Bow Maylada ហ្វេនសរសើរថាប្លែកខ្លាំង ខណៈធ្លាប់តែសុភាព

ចុចអាន៖ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត