ជីវិតកម្សាន្ដ

តារា K-pop ៦ រូប នឹងចូលបម្រើយោធានៅឆ្នាំ ២០២៣

បានផុស

២ years មុន

នៅ

ថ្ងៃពុធ ១ មីនា ២០២៣

ដោយ

បន្ទាប់ពីព័ត៌មានថ្មីៗអំពីក្រុម BTS ជ្រើសរើសចូលបម្រើយោធាជាកាតព្វកិច្ចរបស់ប្រទេសកូរ៉េខាងត្បូង ក៏មានការពិភាក្សាអំពីការចូលបម្រើកងទ័ពបានចាប់ផ្តើមនៅក្នុងប្រទេស ជាពិសេសនៅក្នុងឧស្សាហកម្មតារា K-pop ។ ពលរដ្ឋជាបុរសនៃប្រទេសកូរ៉េខាងត្បូងត្រូវតែ បំពេញកាតព្វកិច្ចយោធារហូតដល់ ២ ឆ្នាំ ដោយការចុះឈ្មោះមុនអាយុ ២៨ ឆ្នាំ ។

ខាងក្រោមនេះគឺជាតារា K-pop ទាំង ៦ នឹងត្រូវចូលបម្រើយោធានៅឆ្នាំ ២០២៣ ៖

១. S.Coups សមាជិក SEVENTEEN

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

S.Coups គឺជាសមាជិកតែងតែត្រូវបានចាត់ទុកថាជាអ្នកដឹកនាំដ៏ល្អបំផុតនៅក្នុងវិស័យ K-pop ក្រៅ ពីតួនាទីរបស់គាត់ជាអ្នកដឹកនាំក្រុម គាត់ក៏បានដឹកនាំក្រុមនេះនិងបានរួមចំណែក ទៅរកភាពជោគជ័យដ៏ធំធេង។ ជាពិសេសនៅឆ្នាំនេះ S.Coups មាន ២៨ ឆ្នាំនឹងត្រូវដល់វ័យចូលបម្រើលយោធា ។

២. Jeonghan សមាជិក SEVENTEEN

Jeonghan គឺជាសមាជិកទីពីរមានអាយុច្រើនជាងគេនៃក្រុម SEVENTEEN ដែលសមាជិករូបនេះក៏ធ្លាប់និពន្ធ បទចម្រៀងល្បីៗមួយចំនួនរបស់ក្រុម រួមមាន Don’t Wanna Cry និង Clap ។ ជាមួយគ្នានៅក្នុងឆ្នាំនេះ Jeonghan ក៏នឹងត្រូវដល់វ័យចូលបម្រើលយោធាដូចជាសមាជិក S.Coups ។

៣. Taeyong សមាជិក NCT

ក្នុងនាមជាសមាជិកវ័យចំណាស់ទីពីរនិងជាមេក្រុម Taeyong ក៏ធ្លាប់និពន្ធបទចម្រៀងល្បីៗជាច្រើនដែលបានផ្សព្វផ្សាយពាសពេញ NCT ។ លើសពីនេះ លោកបានចេញបទចម្រៀងជាច្រើនបទ និងសហការជាមួយសិល្បករ បង្កើតបទភ្លេងដ៏គួរឲ្យចាប់អារម្មណ៍។ ដោយឡែកនៅឆ្នាំនេះ Taeyong ក៏ឈានចូលដល់វ័យបម្រើលយោធាផងដែរ ។

៤ Bobby សមាជិក iKon

Bobby ដែលជាអ្នកនិពន្ធបទចម្រៀង និងជាអ្នករ៉េបនៃក្រុម iKon តារាចម្រៀងនិងអ្នកនិពន្ធបទចម្រៀងរូបនេះក៏បានចេញអាល់ប៊ុមទោលក្រោមផលិតកម្ម YG Entertainment ក្រៅពី EP ជាមួយ Mino របស់ Winner ដែលមានឈ្មោះថា The Mobb ។ នៅឆ្នាំ ២០២៣ តារាចម្រៀងនិងរ៉េបក៏ឈានចូលដល់វ័យបម្រើលយោធាដូចជាសមាជិកក្រុមផ្សេងទៀត។

៥. Song សមាជិក iKon

សមាជិក iKon ម្នាក់ទៀតដែលអាចចុះឈ្មោះនៅឆ្នាំ ២០២៣ គឺ Song ដែលអតីតគេស្គាល់ថា Yunhy ung (ឬ Yunhyeong) តារាចម្រៀងរូបនេះបានបង្ហាញខ្លួនដំបូងជាមួយ iKon ក្នុងឆ្នាំ ២០១៥ បន្ទាប់ពីប្រកួតប្រជែងក្នុងកម្មវិធី Mix and Match ។

៦. J-Hope សមាជិក BTS

J-Hope នឹងក្លាយជាសមាជិកទី ២ របស់ BTS ចូលបម្រើយោធា ដោយតារាចម្រៀងនិងរ៉េបរូបនេះបានដាក់ពាក្យស្នើសុំជាផ្លូវការដើម្បីបញ្ចប់ការពន្យារពេលនៃការចុះឈ្មោះចូលបម្រើការងារក្នុងបម្រើយោធារបស់លោក ។ ចំពោះកាលបរិច្ឆេទចុះឈ្មោះបម្រើលយោធាក៏ដូចជាព័ត៌មានផ្សេងទៀត ក្រុមហ៊ុននិងប្រកាសតាមក្រោយ ៕

ប្រែសម្រួល៖នាងតូច

ចុចអាន៖តុបតែងខ្លួនលើកនេះ Jisoo ទាក់ទាញចំណាប់អារម្មណ៍ ក្នុងកម្មវិធី Paris Fashion Week 2023