អ្នកគាំទ្រសរសើរ Jin សមាជិក BTS កាន់តែសង្ហាពេលស្ថិតក្នុងជួរកងទ័ព

ម៉ូដសក់របស់ Jin សមាជិក BTS បានដុះវែងបន្តិចចាប់ផ្តើមតាំងពីចូលបម្រើយោធា ហើយការផ្លាស់ប្តូរនេះបានធ្វើឲ្យទស្សនិកជនក៏ដូចជាអ្នកគាំទ្រភ្ញាក់ផ្អើលយ៉ាងខ្លាំងនិងសរសើរលោកថា កាន់តែសង្ហាក្នុងជួរកងទ័ពជាមួយនឹងរូបរាងថ្មី ។

កាលពីចុងសប្ដាហ៍កន្លងទៅ Jin បានបង្ហោះរូបថតខ្លួនដែលបានជួបជុំសមាជិក J-Hope និង Jimin នៅមូលដ្ឋានទ័ព។ រូបភាពមួយសន្លឹកនេះធ្វើឱ្យអ្នកគាំទ្រចាប់អារម្មណ៍ភ្លាមៗ ដោយកត់សម្គាល់ឃើញពីការផ្លាស់ប្តូរតារាប្រុសក្រោយចូលបម្រើការងារជិត ៣ ខែ។ ជាពិសេសនៅពេលចាប់ផ្ដើមត្រៀមខ្លួនចូលបម្រើកងទ័ព Jin បានកាត់សក់ចោល រហូតធ្វើឱ្យអ្នកគាំទ្រជាច្រើនសើចថា ក្បាលរបស់គាត់លោកទៅដូចជាស៊ុត។

ក្រោយមកជាង ៣ ខែ​ សក់របស់តារាប្រុសរូបនេះកាន់តែវែងបន្តិច ទើបអ្នកគាំទ្របានសរសើរលោកវិញថា កាន់តែស្រស់ស្អាតជាងមុន។ ក្នុងនោះក៏មានទស្សនិកជចូលទៅបញ្ជេញមតិថា “Jin កំពុងបំពេញកាតព្វកិច្ចយោធា ប៉ុន្តែគាត់កាន់តែសង្ហា” និងអ្នកខ្លះទៀតក៏លើកឡើងថា”Jin កាន់តែសង្ហា បន្ទាប់ពីសក់របស់គាត់ចាប់ផ្តើមដុះ” ច្រើនជាងមុន។

យ៉ាងណាមិញ Jin បានថតនៅក្នុងឯកសណ្ឋានយោធាកូរ៉េជាមួយសមាជិក J-Hope និង Jimin ដែលជាមិត្តរួមក្រុមដែលបានទៅលេងយោធា។ ទន្ទឹមនឹងនោះ កាលពីមុននៅថ្ងៃទី១ ខែមីនា Jin បានឡើងឋានន្តរស័ក្តិជាទាហានថ្នាក់ទី១ បន្ទាប់ពីឧស្សាហ៍ក្នុងការបម្រើក្នុងជួរទ័ព ៕

ប្រែសម្រួល៖នាងតូច

ចុចអាន៖តារាសម្ដែងកូរ៉េ ១១ រូប ជាប់ឈ្មោះជាស្រីស្អាតជាងគេប្រចាំឆ្នាំ ២០២៣

ចុចអាន៖Jennie បង្ហាញរបួសជិតភ្នែក ពេលប្រគំតន្ត្រីក្នុងប្រទេសម៉ាឡេស៊ី