អាងហែលទឹកក្នុងភូមិគ្រឹះថ្មីរបស់ Mai Davika ប្រណិតមិនចាញ់សេដ្ឋីស្រុកថៃ

បន្ទាប់ពីទើបតែបង្ហាញភូមិគ្រឹះដ៏ថ្មីស្រឡាងជិតសាងសង់រួចរាល់ Mai Davika បានបង្អួត​អាង​ហែល​ទឹក​ដែលមើលទៅមាន​ប្រណិត​ភាព​ខ្លាំង និងថែមទាំងអស្ចារ្យ​បំផុត ហើយក៏មិនចាញ់វីឡារបស់សេដ្ឋីស្រុកថៃប៉ុន្មាននោះទេ។

ភូមិគ្រឹះ​ដ៏​ទំនើប​​របស់​តារា​ស្រី​ Mai Davika សាងង់សង់ក្នុងទំហំទឹកប្រាក់ជាង២០០ លាន​បាត (៥,៧៤០,៥២៨ដុល្លារ ) ហើយកន្លងមកតារាស្រីរូបនេះធ្លាប់ថតបង្ហាញគ្រប់ជ្រុងឲ្យទស្សនិកជនទស្សនាយ៉ាងពេញភ្នែកថែមទៀតផង។ លើសពីនេះ មហាជនសង្កេតឃើញថាវីឡាធំល្វឹងល្វើយនេះតុបតែង​យ៉ាង​ស្រស់​ស្អាត​ដោយ​គ្រឿង​សង្ហារិម​ថ្លៃៗ និងសម្ភារៈទំនើបៗនៅជុំវិញអាងទឹកដែលបង្ហាញថាពិតជាអស្ចារ្យមិនចាញ់សេដ្ឋីមានប្រាក់វាល់លាននោះទេ។

យ៉ាងណាមិញ ក្រោយតារាស្រីរូបនេះបង្ហាញជ្រុងអាងហែលទឹកដែលមានផ្ទៃដីល្វឹងល្វើយ ព្រមទាំងរចនាយ៉ាងល្អឥតខ្ចោះ ទាំងរូបភាពសិល្បៈដ៏ស្រស់ស្អាតអមជុំវិញ។ អ្នកគាំទ្រជាច្រើនបានចូលទៅសាទរដល់តារាស្រីក្នុងដួងចិត្តរបស់ពួកគេ ហើយក៏ដឹងថាផ្ទះមួយខ្នងនេះ Mai មានបំណងសាងសង់សម្រាប់អ្នកម្តាយជាទីស្រលាញ់ និងជាកាដូដ៏ល្អសម្រាប់ខ្លួនឯងដែលខិតខំធ្វើការហត់នឿយកន្លងមក៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែង Nychaa បញ្ចេញឈុតប៊ីគីនីលើផ្ទៃសមុទ្រ

ចុចអាន៖Sand គំរាមប្ដឹងបកទៅម្ដាយ Tangmo ពីបទបរិហារកេរ្តិ៍ដោយគ្មានភស្តុតាង