ដឹងទេ ឆ្នាំនេះ តារាហូលីវូដ Angelina Jolie មានទ្រព្យសម្បត្តិប៉ុន្មាន?

យោងតាមការចុះផ្សាយពីទស្សនាវដ្ដី Forbes ក្នុងឆ្នាំ២០២៣ តារាហូលីវូដ Angelina Jolie គឺជាម្ចាស់​ទ្រព្យ​សម្បត្តិប្រមាណ ១៦០លាន​ដុល្លារ ដែលចំណូលរបស់តារាស្រីអាមេរិកាំងរូបនេះបានមកពីអាជីពសិល្បៈស្ទើរទាំងស្រុង។

ប្រភពដដែលបានឱ្យដឹងថា ជាមធ្យម Angelina Jolie ទទួលបានថ្លៃឈ្នួល ១៥លានដុល្លារក្នុងមួយរឿង។ យ៉ាងណាក្ដី កាលសម្ដែងជាតួ Maleficent របស់ភាពយន្ត Disney ក្នុងឆ្នាំ២០១៩ នាងទទួលបានកម្រៃរហូតដល់ ៣៣លានដុល្លារ។ បើគិតជាខែ តារាស្រីវ័យ ៤៧ឆ្នាំរូបនេះ ទទួលបានចំណូលជាមធ្យមជាង ១.៨លានដុល្លារ និងជាង ១៥លានដុល្លារ ក្នុងមួយឆ្នាំ។

យ៉ាងណាមិញ ​ទ្រព្យ​សម្បត្តិប្រមាណ ១៦០លាន​ដុល្លារនេះ មិនបានរាប់បញ្ចូលនូវអចលនទ្រព្យ និងទ្រព្យសកម្មផ្សេងទៀតឡើយ ខណៈទ្រព្យទាំងនេះ រាប់តែចំណូលដែលបានមកពីវិស័យសិល្បៈប៉ុណ្ណោះ។ បន្ថែមពីលើប្រាក់ចំណូលពីពិភពកម្សាន្ត Angelina Jolie នៅមានអចលនទ្រព្យជាច្រើនលានថែមទៀត។ ថ្មីៗនេះ នាងបានទិញផ្ទះមួយកន្លែង នៅទីក្រុង Los Feliz រដ្ឋ Los Angeles ក្នុងតម្លៃ ២៥លានដុល្លារ។ ក្រៅពីនោះនាងក៏ជាម្ចាស់អចលនទ្រព្យជាមួយអតីតស្វាមី Brad Pitt ដែលមានតម្លៃជាង ៣០លានដុល្លារផងដែរ។

មិនតែប៉ុណ្ណោះ Angelina Jolie ជាម្ចាស់រថយន្តម៉ាក Cirrus SR22 តម្លៃ ៣ដុល្លារ, រថយន្តម៉ាក Cessna 208 Caravan មានតម្លៃ ២.៣២លានដុល្លារ, រថយន្តម៉ាក BMW Hydrogen 7 តម្លៃ ១.១៨លានដុល្លារ និងរថយន្តម៉ាក Jaguar XJ តម្លៃ ១.១៥លានដុល្លារ៕

ប្រែសម្រួល៖ សន្យា

ចុចអាន៖ ដោយសាររឿងទាំងនេះ ទើបគ្មានតារាស្រករក្រោយវ៉ា Angelina Jolie បាន