ត្រឹមរយៈពេល ២៤ ម៉ោង អាល់ប៊ុមទោលរបស់ Jisoo ត្រូវកុម្ម៉ង់ទុកមុន ១០០ ពាន់បន្ទះ

យោងទៅតាមផលិតកម្ម YG Entertainment អាល់ប៊ុមទោលដំបូងរបស់ Jisoo សមាជិក BLACKPINK បានចាប់ផ្តើមបើកការបញ្ជាទិញទុកជាមុន ដោយក្នុងរយៈពេលត្រឹមតែ ២៤ ម៉ោងប៉ុណ្ណោះអាល់ប៊ុមនេះទទួលបានការកុម្ម៉ង់ទុកមុនចំនួន ១០០ ពាន់បន្ទះ ។

បន្ទាប់ពីការប្រកាសចេញបទចម្រៀងទោលរបស់ Jisoo សមាជិកក្រុម BLACKPINK កាលពីថ្ងៃទី ៦ ខែមីនា ទទួលបានការបញ្ជាទិញជាមុនលើសពី ១០០,០០០ បន្ទះពីស្តុកនៅលើគេហទំព័រ Ktown 4U ។ Jisoo ចំណាយពេលតែមួយថ្ងៃដើម្បីបំបែកកំណត់ត្រាមួយនេះ នេះធ្វើឱ្យ Jisoo ក្លាយជាសិល្បករទោល K-pop ដំបូងគេប្រើរយៈពេល លឿនបំផុតដែលអាចទទួលបានការបញ្ជាទិញជាមុនចំនួន ១០០,០០០ បន្ទះពីស្តុក ។ ពីមុន BLACKPINK ក៏បានកត់ត្រាការបញ្ជាទិញទុកមុនចំនួន ១០០,០០០ ក្នុងរយៈពេល ២៤ម៉ោងជាមួយនឹងអាល់ប៊ុមទី ២ របស់ពួកគេ ‘BORN PINK’ ។

ជាមួយគ្នានេះ ផលិតកម្ម YG Entertainment បានធ្វើឱ្យអ្នកគាំទ្រភ្ញាក់ផ្អើលជាមួយនឹងឈុតខ្លីសម្រាប់ការចេញផ្សាយបទចម្រៀងទោលរបស់ Jisoo ត្រូវបានបញ្ជាក់នាងនឹងបង្ហាញខ្លួនជាលើកដំបូង នៅថ្ងៃទី ៣១ ខែមីនា។ Jisoo នឹងក្លាយជាសមាជិកចុងក្រោយរបស់ BLACKPINK និងចេញបទ ចម្រៀងទោលរបស់នាងបន្ទាប់ពី Jennie, Rosé និង Lisa ។

យ៉ាងណាមិញ វីដេអូបទចម្រៀងទោលរបស់ Jisoo ត្រូវបានថតនៅក្រៅប្រទេស ដែលភាគច្រើនស្ថិតនៅចន្លោះកាលវិភាគទេសចរណ៍ពិភពលោករបស់ BLACKPINK ជាពិសេសផលិតកម្ម YG Entertainment បានចំណាយប្រាក់យ៉ាងច្រើនបំផុតក្នុងការផលិតផងដែរ ៕

ប្រែសម្រួល៖នាងតូច

ចុចអាន៖អ្នកគាំទ្រសរសើរ Jin សមាជិក BTS កាន់តែសង្ហាពេលស្ថិតក្នុងជួរកងទ័ព