ជីវិតកម្សាន្ដ

ទូច ស្រីល័ក្ខ និងកូនប្រុសឡើងតុលាការស្អែកនេះ ដើម្បីតតាំងក្តីករណីអតីតស្វាមីទាមទារកូន

បានផុស

៥ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

ភ្នំពេញ ៖ តារាចម្រៀងស្រីអ្នកនាង ទូច ស្រីល័ក្ខ បានបញ្ជាក់ឲ្យដឹងនៅរសៀលថ្ងៃទី១៤ ខែមករា ឆ្នាំ២០២១នេះថា ស្អែកនេះនាងនិងកូនបានត្រៀមខ្លួនរួចជាស្រេច ដើម្បីឡើងតតាំងក្តីជាមួយអតីតស្វាមីជនជាតិបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ទូច ស្រីល័ក្ខ បានថ្លែងឲ្យដឹងថា ខ្ញុំនឹងកូនបានត្រៀមខ្លួនហើយសម្រាប់ថ្ងៃស្អែកដែលពួកយើងនឹងជួបគ្នានៅសាលាដំបូងសួរថា អស់លោកស្រីអ្នកនាងកញ្ញាមួយចំនួនតូច ដែលនិយាយថា ឲ្យកូនគេជួបឪពុកគេផង មានដឹងទេថាជាឈាមរបស់គេ គេមិនខ្វល់ផង។

តារាស្រីអ្នកនាង ទូច ស្រីល័ក្ខ បាននិយាយបន្តថា កន្លងមកជាង១ឆ្នាំជាងមកហើយហេតុអ្វីអស់លោកស្រីអ្នកនាងកញ្ញាមិនទៅសួរគេផងថា ហេតុអីបានចិត្តដាច់ចុះចោលប្រពន្ធកូនទៅភ្ជាប់ពាក្យនឹងស្រីថ្មីបែបនេះ? កុំឲ្យក្តៅបើមិនដឹងកុំចេះតែបំពាននិយាយអ្វីមិនត្រឹមត្រូវ។ មួយរយរៀលខ្មែរមិនដែលផ្ញើឲ្យកូនផងពេលកូនឈឺតើវត្តមានឪពុកគាត់នៅទីណា ? សូម្បីតែតេមកសួរកូនក៏មិនដែរផងលោក។

សូមបញ្ជាក់ថា អ្នកនាង ទូច ស្រីល័ក្ខ និងអតីតស្វាមីក្រោយពេលភ្ជាប់ចំណងស្នេហ៍មានរយៈពេលច្រើនឆ្នាំរហូតឈានដល់ចំណងអាពាហ៍ពិពាហ៍បង្កើតបានកូនប្រុសម្នាក់ជាចំណងដៃនោះក៏ស្រាប់តែធ្លាយដំណឹងនៃការប្រេះឆាស្នេហ៍ ក្រោមហេតុផលរស់នៅមិនចុះសម្រុងនិងការលួចលាក់ផិតក្បត់មានស្រីថ្មីពីសំណាក់ភាគីខាងប្រុស៕

ដោយ ៖ ចាន់រ៉ា