ជីវិតកម្សាន្ដ

តាមពិត Nadech ជាបុរសពូកែប្រចណ្ឌ មិនលើកលែងសូម្បីតែ Mario

បានផុស

២ years មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

ចាប់តាំងពីប្រកាសទំនាក់ទំនងផ្លូវការ គូស្នេហ៍តារាសម្ដែង Nadech Kugimiya និងមិត្តស្រី Yaya Urassaya តែងតែបង្ហាញភាពផ្អែមល្ហែមខ្លាំងជាងមុន ស្របពេលដែលលោកនិយាយថា ជាមនុស្សពូកែប្រចណ្ឌសូម្បីតែជាមួយនឹងMario ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ Nadech បានអង្គុយនាមជាភ្ញៀវក្នុងកម្មវិធី Share Dolphin របស់ Nikki Nachat ខណៈ Nikki សួរថា មិត្តស្រីស្អាតយ៉ាងនេះប្រច័ណ្ឌឬអត់? ក្នុងឃ្លិបនោះនេះតារាប្រុសប្រចាំប៉ុស្តិ៍លេខ៣ ឆ្លើយថា “តាមពិតទៅខ្ញុំជាមនុស្សមានចិត្តច្រណែន សូម្បីតែជាមួយមិត្តភក្តិ ខ្ញុំមានអារម្មណ៍ថាត្រូវការសារៈសំខាន់របស់គាត់នៅក្នុងទំនាក់ទំនងពួកយើងបំផុត ប៉ុន្តែវាដូចជាអាត្មានិយមខ្លាំងពេក រហូតខ្ញុំត្រូវរៀនពីវា”។

លើសពីនេះតារាសម្ដែង Nadech និយាយបន្ថែមទៀតថា លោកហ៊ានមើលរឿងដែលគាត់លេង។ ព្រោះដឹងថាវាជាការងារ និងយល់ ១០០% ប៉ុន្តែពេលផ្សេងក្រៅពីការងារ មានរឿងខ្លះដែលលោកថាមិនចូលចិត្ត ជួនកាលពេលសង្សារខ្លួននិយាយច្រើនពេកពីអ្នកណាម្នាក់។ បន្ទាប់មកគាត់មានស្នាមញញឹម និងសុភមង្គលដូចកំពុងមានក្ដីសុខជាមួយម្នាក់នោះ។ តួយ៉ាងដូចជា Mario គាត់សរសើរថាសង្ហាខ្លាំង។

យ៉ាងណាមិញ Nikki Nachat ក៏សួរបន្ថែមទៀតថា ធ្វើយ៉ាងម៉េចទើបស្រលាញ់គ្នាបាន? ស្របពេលដែល Nadech ឆ្លើយទាំងញញឹមថា “ថ្ងៃនោះខ្ញុំត្រឹមជាអ្នកគាំទ្រម្នាក់ ខ្ញុំមានអារម្មណ៍ខ្មាសអៀនខ្លាំងណាស់ពេលនៅក្បែរ Yaya។ តើខ្ញុំគួរធ្វើយ៉ាងណាដើម្បីបន្តនិយាយជាមួយគាត់ មិនដែលគិតថា Yaya ចង់បានខ្ញុំដូចខ្ញុំចង់បានគាត់ទេ។ ពេលនោះខ្ញុំបានប្រើវិធីសុំលេខអ្នករាល់គ្នា រួមទាំងគាត់ ប៉ុន្តែមិនហ៊ានផ្ញើសារទេ ទាល់តែគាត់ផ្ញើសារមកជូនពរខ្ញុំរីករាយថ្ងៃកំណើត។ ដូច្នេះយើងបានបន្តនិយាយគ្នា រហូតដល់យើងស្រឡាញ់គ្នាអស់រយៈពេល ១១ ឆ្នាំមកទល់ពេលនេះ”៕