អ្នកលេងអ៊ីនធឺរណិត​នាំគ្នាជីកកាយរូបភាព និងអត្ថន័យស្នាមសាក់របស់ Lisa

ក្រោយបង្ហាញខ្លួននៅលើក្របទស្សនាវដ្ដី Bazaar កាលពីដើមខែមីនាកន្លងទៅថ្មីៗនេះ Lalisa សមាជិកក្រុម Blackpink បានបង្កឱ្យមានការចាប់អារម្មណ៍ពីអ្នកគាំទ្ររាប់លាននាក់ទៅលើស្នាមសាក់របស់នាង ដែលគេប្រទះឃើញនៅចំហៀងឆ្អឹងជំនីឆ្វេង។

ដោយសារសាមីខ្លួនមិនទាន់ចេញមុខមកនិយាយជាសាធារណៈអំពីស្នាមសាក់របស់ខ្លួន ដូច្នេះអ្នកលេងអ៊ីនធឺរណិតបាននាំគ្នាវែកញែកអំពីស្នាមសាក់នោះថាវាជារូបអ្វី និងមានអត្ថន័យបែបណា ទើបបានជា Lisa ហ៊ានសាក់វានៅលើសាច់បែបនេះ។

បន្ទាប់ពីវែកញែកអស់រយៈពេលប៉ុន្មានថ្ងៃ គេនាំគ្នាសន្មត់ថា ស្នាមសាក់របស់ Lisa ជា​រូបភាព​ផ្កា​ Edelweiss ដែលជា​ផ្កា​តំណាង​នៃ​សេចក្ដី​ស្រឡាញ់​ មានប្រភពមក​ពី​ប្រទេស​ស្វីស។ ចំណែកនៅក្នុងពាក្យអាល្លឺម៉ង់ផ្កា Edelweiss គឺជាការរួមបញ្ចូលគ្នានៃភាពថ្លៃថ្នូរ និងការលះបង់។

អ្នកលេងអ៊ីនធឺរណិតលើកឡើងថា មូលហេតុដែល Lisa សាក់រូបផ្កា Edelweiss ព្រោះវា​ជា​ផ្កា​សំណព្វ​របស់នាង ហើយ​វាត្រូវ​បាន​គេ​ប្រើ​ដើម្បី​រចនាលើ​នាឡិកាដៃ​ម៉ាក​ Bulgari ដែល Lisa ជាទូតសុឆន្ទៈតំណាងឱ្យយីហោប្រណីតនេះ៕

ប្រែសម្រួល៖ សន្យា

ចុចអាន៖ Lisa រងការរិះគន់ពីហ្វេនថៃ រឿងសាក់លើខ្នង

ចុចអាន៖ Lisa ប្រាប់មូលហេតុដំបូងដែលនាំឱ្យនាងប្រឡូកក្នុងវិស័យ Kpop