មកស្គាល់មិត្តស្រី Ronaldo ទាំងអស់ មុនស្មោះជាមួយ Georgina Rodríguez

កីឡាករបាល់ទាត់ល្បីលំដាប់ពិភពលោក Cristiano Ronaldo ដែលជាសមាជិកក្នុងក្លឹប Al-Nassr មុននឹងជួបមិត្តស្រីបច្ចុប្បន្នធ្លាប់មានដៃគូជាច្រើនមកហើយ ។ ខាងក្រោមនេះជាមិត្តស្រីទាំងអស់របស់ Ronaldo សុទ្ធតែស្អាតនិងល្បីៗ ៖

១. Jordana Jardel 

តារាម៉ូដែលប្រេស៊ីល Jordana ជានារីដំបូងដែល Ronaldo ទាក់ទងកាលគាត់ល្បីថ្មីៗ ពួកគេស្គាល់គ្នាតាម Mario Jardel ដែលជាបងប្អូនរបស់ Jordana និងជាមិត្តរួមក្រុម Ronaldo ។ 

២. Merche Romero

Jordana និង Ronaldo បែកគ្នាដោយសារឃ្លាតកាយណាយចិត្ត ដូច្នេះមិត្តស្រីបន្ទាប់របស់លោកគឺតារាម៉ូដែលព័រទុយហ្គាល់ Merche ហើយពួកគេស្រលាញ់គ្នាអស់រយៈពេលជាងមួយឆ្នាំពី ២០០៥-២០០៦ ។

៣. Imogen Thomas 

ក្រោយបែកពី Merche កីឡាករ Cristiano បានណាត់ជួបជាមួយតារាស្រី Imogen Thomas យ៉ាងរីករាយ​ ប៉ុន្តែមើលទៅមិនសូវច្បាស់លាស់ប៉ុន្មានទេ ។

៤. Soraia Chaves 

តារាស្រីជនជាតិព័រទុយហ្គាល់ Soraia បានណាត់ជួបជាមួយ Cristiano ក្នុងឆ្នាំ ២០០៦ ត្រឹមតែមួយឆ្នាំក្រោយការសម្តែងក្នុងខ្សែភាពយន្តដែលរកចំណូលបានខ្ពស់បំផុតប្រចាំឆ្នាំគឺ Call Girl ។

៥. Gemma Atkinson

Cristiano និង Gemma ធ្លាប់ប្រទះឃើញចេញក្រៅជាមួយគ្នាកាលពីឆ្នាំ ២០០៧ អំឡុងការប្រកួតនៅក្លឹប Manchester ។

៦. Bipashi Basu

ក្នុងឆ្នាំ ២០០៧ ដដែលនេះគេឃើញ Cristiano ឱបថើបគ្នាជាមួយ Bipashi យ៉ាងស្អិត មកទល់បច្ចុប្បន្នពួកគេទាំងពីរនៅតែជាមិត្តនឹងគ្នាដ៏ល្អ ។

៧. Paris Hilton 

កាលពីឆ្នាំ ២០០៩ មានតារាល្បីៗមួយចំនួនបានឃើញ Hilton និង Ronaldo ថើបគ្នាហើយទំនងជាជិតស្និទ្ធណាស់ ប៉ុន្តែពីរនាក់នេះមិនដែរឃើញទាក់ទងគ្នាលើសពី ២ ថ្ងៃឡើយ ។

៨. Luanna Belletti

Luanna គឺជាប្អូនស្រីរបស់ Juliano Belletti ហើយគាត់ជាអ្នកផ្សំផ្គុំនាងឲ្យទៅ Ronaldo ដោយខ្លួនឯង ។

៩. Nereida Gallardo 

កញ្ញា Nereida ធ្លាប់មានទំនាក់ទំនងជាមួយ Ronaldo បាន ៨ ខែ ក្នុងឆ្នាំ ២០០៨ បច្ចុប្បន្ននាងមានសាឡនផ្ទាល់ខ្លួនដ៏ល្បីមួយនៅកោះ Balearic ។

១០. Kim Kardashian 

ពេល Kim អាយុ ២៩ ឆ្នាំ ត្រូវគេប្រទះឃើញនាងថើបគ្នាជាមួយ Ronaldo នៅដំណើរកម្សាន្តទៅអេស្ប៉ាញ ។

១១. Irina Shayk 

Cristiano និង Irina ស្រលាញ់គ្នាបន្ទាប់ពីរួមការងារបង្ហាញម៉ូដក្នុងឆ្នាំ ២០១០ ពួកគេទាក់ទងគ្នាបាន ៥ ឆ្នាំ ប៉ុន្តែបែកគ្នាទៅវិញធ្វើឲ្យផ្អើលអស់អ្នកគាំទ្រ ។

១២. Lucia Villalon 

បែកគ្នាមិនយូរប៉ុន្មានលោក Ronaldo ក៏មាននារីថ្មីឈ្មោះ Lucia ជាពិធីការនីទូរទស្សន៍មួយរូបទៀត ហើយទំនាក់ទំនងនេះមានត្រឹមរយៈពេលខ្លីប៉ុណ្ណោះ ។

១៣. Desiree Cordero 

មុនជួបស្នេហ៍ពិតជាមួយ Georgina កីឡាករ Cristiano បានទាក់ទងបវរកញ្ញាអេស្ប៉ាញ ២០១៤ Desiree និងបែកគ្នាភ្លាមៗបន្ទាប់ពីដឹងថានាងចង់ល្បីជាងស្រលាញ់ខ្លួន ។

១៤. Georgina Rodríguez

គូស្នេហ៍នេះជួបគ្នាដំបូងនៅហាង Gucci ដែលជាកន្លែងធ្វើការរបស់ Rodríguez ឥលូវពួកគេស្រលាញ់គ្នាបាន ៦ ឆ្នាំ ថែមទាំងមានកូនពីរនាក់ទៀតផង ៕

ប្រែសម្រួល ៖ វារី

ចុចអាន ៖ ក្មេងប្រុសជនជាតិស៊ីរីម្នាក់ បំពេញក្តីសុបិនចង់ជួប Ronaldo បន្ទាប់ពីគ្រោះរញ្ជួយដី