ជីវិតកម្សាន្ដ

បង្ហាញមុខតារាថៃ ៤ ដួង ជាប់ចំណាត់ថ្នាក់ជាបុគ្គលល្បីបំផុតនៅ ហ្វីលីពីន

បានផុស

២ years មុន

នៅ

ថ្ងៃសុក្រ ១០ មីនា ២០២៣

ដោយ

បច្ចុប្បន្នតារាថៃមិនត្រឹមតែមានឈ្មោះល្បីនៅប្រទេសខ្លួននោះទេ។ ប៉ុន្តែក៏មានការដុះដាលនៅឯហ្វីលីពីន និងប្រទេសជាច្រើនទៀតជុំវិញពិភពលោក ខណៈកាលពីថ្មីៗនេះរបាយការណ៍ពី HypeAuditor បញ្ជាក់ថា តារា៤ដួងជាសំណព្វចិត្តរបស់ទស្សនិកជនហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាប្រុសស្រីកំពុងល្បីល្បាញខ្លាំង មានដូចជា ៖ Bright Vachirawit ជាប់ចំណាត់ថ្នាក់ក្នុងចំណោមអ្នកមានឥទ្ធិពលលើ Instagram កំពូលទាំង ៥ នៅក្នុងប្រទេសហ្វីលីពីន ដែលបង្ហាញពីកេរ្តិ៍ឈ្មោះរបស់ Bright ថាលោកគឺជាតារាវ័យក្មេងដែលមានមន្តស្នេហ៍ខ្លាំង។ ចំណែកឯដៃគូរបស់ Bright គឺ Win Metawin ក៏ដណ្ដើមបានចំណាត់ថ្នាក់លេខ ១១ ជាតារាប្រុសមុខមានភាពទាក់ទាញ។

លើសពីនេះ Baifern Pimchanok ក៏បានឆក់យកបេះដូងអ្នកទស្សនាជាមួយនឹងការសម្តែងរបស់នាងនៅក្នុងរឿងភាគដ៏ល្បី “Friend Zone” ក៏បានជាប់ចំណាត់ថ្នាក់លេខ ១៦ ក្នុងបញ្ជីនេះដូចគ្នា។

ជាមួយគ្នានេះដែរ តារាស្រីដ៏ស្រស់ស្អាតម្នាក់ទៀត គឺ Yaya Urassaya ក៏ទទួលបានភាពល្បីល្បាញខ្លាំងនៅប្រទេសហ្វីលីពីន ក្នុងរឿងភាគថៃដែលចាក់ផ្សាយនៅទីនោះ ដូចជា “The Crown Princess” និង “Khluen Chiwit” បានជាប់ចំណាត់ថ្នាក់លេខ២៧ផងដែរ៕