ជីវិតកម្សាន្ដ

Michelle Yeoh ក្លាយជាស្ត្រីអាស៊ីដំបូងគេប្រចាំប្រវត្តិសាស្ត្រ ដែលឈ្នះពានរង្វាន់ Oscars

បានផុស

២ years មុន

នៅ

ថ្ងៃអង្គារ ១៤ មីនា ២០២៣

ដោយ

ថ្មីៗនេះអ្នកស្រី Michelle Yeoh ជនជាតិម៉ាឡេស៊ីទើបតែក្លាយជាស្ត្រីអាស៊ីដំបូងគេបង្អស់ដែលឈ្នះពានរង្វាន់ Academy Award តារាសម្តែងល្អបំផុតកាលពីថ្ងៃអាទិត្យ ទី១២ ខែមីនា សម្រាប់ការសម្តែងចម្រុះរបស់លោកស្រីក្នុងរឿង “Everything Everywhere All at Once” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីឆ្នាំ ១៩២៩ មក អ្នកស្រី Yeoh គឺជាស្ត្រីមានពណ៌ស្បែកទីពីរដែលទទួលបានរង្វាន់ Oscars ចំណែកស្ត្រីទីមួយនោះគឺ Halle Berry កូនកាត់អាហ្វ្រិក-អាមេរិកាំង ។ អ្នកស្រី Yeoh បានថ្លែងអំណរគុណយ៉ាងជ្រាលជ្រៅទៅកាន់ក្រុមការងារ និងអ្នកម្ដាយជាទីស្រលាញ់វ័យ ៨៤ ឆ្នាំរបស់នាងហើយមានប្រសាសន៍ថា “ខ្ញុំត្រូវតែលះបង់រង្វាន់នេះទៅម្តាយរបស់ខ្ញុំ និងទៅកាន់អ្នកម្តាយទាំងអស់នៅក្នុងពិភពលោក ព្រោះពួកគេជាកំពូលវីរបុរសពិតប្រាកដ បើគ្មានពួកគេទេយប់នេះគ្មានវត្តមានយើងឡើយ” ។

សរុបរង្វាន់សម្រាប់រឿង “Everything Everywhere All at Once” ទាំងអស់មានចំនួន ៧ Oscars គឺ ៖ រូបភាពល្អបំផុត, ដឹកនាំល្អបំផុត, ការកែសម្រួលដ៏ល្អបំផុត, តារាសម្ដែងស្រីល្អបំផុត, តារាប្រុសរងល្អបំផុត, តារាស្រីរងល្អបំផុត, និងភាពយន្តល្អបំផុត ៕

ប្រែសម្រួល ៖ វារី

ចុចអាន ៖ ភាពយន្ត ៣ ឈ្នះពានរង្វាន់ Oscars ច្រើនជាងគេក្នុងប្រវត្តិសាស្ត្រ