វិលចូលសិល្បៈវិញ ហ្វាន ពីងពីង កាន់តែលេចមុខលេចមាត់លើឆាកអន្តរជាតិ

ក្រោយពីវិលចូលសិល្បៈវិញ តារាសម្ដែងចិន ហ្វាន ពីងពីង (Fan Bingbing) ហាក់មិនថមថយប្រជាប្រិយភាពរបស់ខ្លួនឡើយ នាងតែងតែបង្ហាញមុខលើឆាកអន្តរជាតិជាបន្តបន្ទាប់ រីឯសម្រស់កាន់តែក្មេងជាងវ័យ។

កាលពីថ្ងៃទី១២ ខែមីនា ឆ្នាំ២០២៣ ហ្វាន ពីងពីង បានលេចវត្តមានក្នុងនាមជា​តារា​បង្ហាញ​ម៉ូដ និង​ជា​តារា​ចម្រៀងតំណាងប្រទេសចិននៅលើ​កម្រាល​ព្រំ​ក្រហម​ក្នុង​កម្មវិធីពានរង្វាន់ Oscars 2023 នៅទីក្រុងហូលីវូដ រដ្ឋកាលីហ្វ័រញ៉ា សហរដ្ឋអាមេរិក។

បង្ហាញខ្លួនលើកនេះ ហា្វន ពីងពីង កាន់តែស្អាតប្លែក សម្រស់មើលទៅក្មេងជាងវ័យខ្លាំងតែម្ដង សឹងមិនជឿនាងថាមានអាយុ ៤១ឆ្នាំហើយ។ សម្រស់របស់តារាជួរមុខចិនរូបនេះ បានទាក់ទាញមហាជនយ៉ាងខ្លាំង ព្រោះមិនត្រឹមតែបញ្ចេញសម្រស់លេចធ្លោនោះទេ ប៉ុន្តែនាងកំពុងមានឥទ្ធិពលជាសកលផងដែរ។

អ្នកគាំទ្រសង្កេតឃើញថាតាំងពីផុតបម្រាមសិល្បៈមក ហា្វន ពីងពីង តែងតែបង្ហាញខ្លួនក្នុងកម្មវិធីអន្តរជាតិជាច្រើនរាប់តាំងពីប្រទេសអ៊ីតាលី បារាំង និងសហរដ្ឋអាមេរិកជាដើម៕

ប្រែសម្រួល៖ សន្យា

ចុចអាន៖ មិនទាន់បង្ហាញមុខ តែឥទ្ធិពលរបស់ V ធ្វើឱ្យទស្សនាវដ្ដី ELLE លក់ដាច់លំដាប់ទីមួយ

ចុចអាន៖ អ្នកលេងអ៊ីនធឺរណិត​នាំគ្នាជីកកាយរូបភាព និងអត្ថន័យស្នាមសាក់របស់ Lisa