ជីវិតកម្សាន្ដ

Mai Davika ទម្លាយរឿងលំបាកក្នុងជីវិត រហូតទៅជួបពេទ្យចិត្តសាស្ត្រ

បានផុស

២ years មុន

នៅ

ថ្ងៃព្រហស្បតិ៍ ១៦ មីនា ២០២៣

ដោយ

កាលពីថ្ងៃទី១៤ ខែមីនា តារាសម្ដែង Mai Davika បានផ្តល់បទសម្ភាសន៍លើប្រធានបទផ្សេងៗ ហើយបញ្ហាមួយដែលមនុស្សជាច្រើនចាប់អារម្មណ៍នោះគឺ Mai ផ្លាស់ប្ដូរមុខមាត់ថ្មី ដោយកាត់សក់ខ្លីដូចមនុស្សប្រុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងក្នុងព្រឹត្តិការណ៍ Glico Almond Koka តារាសម្ដែងនិងម៉ូដែល Mai Davika បាននិយាយថា
“Davi មិនដែលប្រាប់អ្នកណាពីមុនទេថា កាត់សក់ តាមពិតខ្ញុំកាត់កាលពីពាក់កណ្ដាលឆ្នាំមុន។ ខ្ញុំកាត់សក់ដោយសារខ្ញុំទទួលគម្រោងថ្មី តែខ្ញុំរស់នៅតែងតែពាក់សក់។ មែនហើយ ក្ដៅណាស់ រមាស់ខ្លាំង ប៉ុន្តែវាមានតម្លៃសម្រាប់ Mai សាកល្បងវិនិយោគលើគម្រោងនេះ ហើយគម្រោងនេះផងដែរ ត្រូវតម្រូវឲ្យសម្រកទម្ងន់”។

ជាមួយគ្នានោះដែរ ក្រុមអ្នកសារព័ត៌មានបានសួរបញ្ជាក់ទៀតថា តើ Mai ត្រូវផ្លាស់ប្ដូរខ្លួនឯងសឹងទាំងអស់ដើម្បីតែគម្រោងមួយនេះ? ឆ្លើយមិនបង្អង់យូរ តារាស្រីរូបនេះបន្ថែមទៀតថា ពិតជាប្ដូរសឹងទាំងអស់ពិតមែន។ វាជារឿងថ្មីមួយដែលត្រូវព្យាយាមរស់នៅដូចតួអង្គនោះ។ គិតដូចតួអង្គនោះ។ ដូច្នេះវាធ្វើឲ្យយើងស្គម។ ប៉ុន្តែឥឡូវវាកាន់តែប្រសើរជាងមុន។

យ៉ាងណាមិញ ក្នុងពេលដែល Mai Davika ផ្លាស់ប្ដូរខ្លួនឯងសឹងទាំងអស់នាងថា ពេលនោះជួបបញ្ហាផ្លូវចិត្តធ្ងន់ធ្ងរពីមនុស្សបញ្ចេញមតិមើលងាយរូបរាងកាយ រហូតឈានដល់ត្រូវរកគ្រូពេទ្យផ្នែកចិត្តសាស្ត្រដើម្បីព្យាបាលនិងត្រូវលេបថ្នាំថែមទៀត។ លើសពីនេះប្រសិនបើមានគម្រោងថ្មីណាមួយ Mai នឹងមិនជ្រើសរើសធ្វើបែបនេះទេ ព្រោះវាមិនសមនឹងស្ថានភាពផ្លូវចិត្តនាងសព្វថ្ងៃ៕