Song Hye Kyo នាំមុខក្នុងបញ្ជីតារាស្រីកូរ៉េពេញនិយមបំផុត

បន្ទាប់ពីប្រឡូកក្នុងវិស័យសិល្បៈអស់រយៈពេលជាង ២០ ឆ្នាំតារាសម្តែង Song Hye Kyo នៅតែទទួលបានតំណែងជាកំពូលតារាសម្ដែង និងត្រូវបានទស្សនិកជនជុំវិញពិភពលោកស្រលាញ់ចូលចិត្ត ។

ថ្មីៗនេះ អង្គការផ្លាស់ប្តូរវប្បធម៌អន្តរជាតិកូរ៉េបានធ្វើការស្ទង់មតិមួយដែលមានឈ្មោះថា Global Hallyu Trends 2023 ដើម្បីស្វែងរកមុខតារាដែលទស្សនិកជនអន្តរជាតិចូលចិត្តជាងគេ។ ជាពិសេស ចំណាត់ថ្នាក់របស់តារាស្រីកូរ៉េដែលបរទេសចូលចិត្តបំផុតទាក់ទាញការចាប់អារម្មណ៍ នៅពេលនោះដែលឈ្មោះរបស់ Song Hye Kyo បាននាំមុខក្នុងបញ្ជី ។

យោងតាមអង្គការនេះ ការស្ទង់មតិនេះត្រូវបានធ្វើឡើងនៅក្នុងខែ វិច្ឆិកា និងខែធ្នូ ឆ្នាំ ២០២២ ដោយមានការចូលរួមពីមនុស្ស ២៥,០០០ នាក់មកពី ២៦ ប្រទេសផ្សេងៗគ្នា។ Song Hye Kyo ត្រូវបានគេជ្រើសរើសឈ្មោះជាមួយនឹងអាជីពសម្ដែងជាងពីរទសវត្សរ៍ ដែលនាំមុខក្នុងបញ្ជីតារាស្រីកូរ៉េពេញនិយមបំផុត។ មិនត្រឹមតែនេះទេ នៅក្នុងចំណាត់ថ្នាក់តារាកូរ៉េដែលទស្សនិកជនអន្តរជាតិចូលចិត្តបំផុត (ទាំងប្រុសទាំងស្រី) ដែលប្រកាសដោយអង្គការនោះ Song Hye Kyo ក៏បានបង្ហាញខ្លួនក្នុងចំណាត់ថ្នាក់លេខ ៥ ផងដែរ ជាតារាស្រីតែម្នាក់គត់ដែលជាប់ចំណាត់ថ្នាក់លេខ ៥ ក្នុងតារាង ។

យ៉ាងណាមិញ រហូតមកដល់ពេលនេះ ភាពជោគជ័យដ៏អស្ចារ្យរបស់រឿងភាគ The Glory នៅតែបន្តជួយតារាសម្តែង Song Hye Kyo រក្សាបាននូវប្រជាប្រិយភាពទូទាំងពិភពលោករបស់នាងជាមួយនឹងអ្នកគាំទ្រអន្តរជាតិ ជាមួយគ្នាទីផ្សារនៅក្រៅប្រទេសផងដែរ ៕

ប្រែសម្រួល៖នាងតូច

ចុចអាន៖អតីតតួឯកប្រុស តាវ មីងសឺ ថា ដើម្បីមានតុល្យភាពផ្លូវចិត្ត លោកមិនដែលប្រើទូរស័ព្ទទេ