ម៉ែលីណាប្រកាសក្ដែងៗថា Bella និង Chompoo ល្បីដោយសារគាត់ជេរតាមអ៊ីនធឺណិត

ម៉ែលីណាឬ Leena Jung បានប្រកាសក្ដែងៗក្នុងកម្មវិធីមួយថា តារាស្រីជួរមុខពីររូបគឺ Chompoo Araya និង Bella Ranee ពួកនាង​ល្បីល្បាញ​ដល់សព្វថ្ងៃនេះ ក៏​ព្រោះត្រូវ​គាត់​ជេរតែ​ប៉ុណ្ណោះ ហើយអះអាងថានេះគឺជារឿងពិត។

ថ្លែង​ក្នុង​បទសម្ភាសន៍​មួយ​កាល​ពី​ថ្ងៃទី ១៥ ខែមីនា លើ YouTube Channel 8 ​របស់ Prairie Praiwan ម៉ែលីណា​បានចេញមុខបកស្រាយ​ថា “Chompoo Araya រៀបការ​ជាមួយ​ស្វាមី​សេដ្ឋី​ប្រាក់​លាន​ប្រចាំស្រុកថៃ ​និងមានកូនភ្លោះ ព្រោះ​ខ្ញុំជេរនាង! នាងបានដើរលើកំរាលព្រំក្រហមនៅទីក្រុង Cannes ដោយសារ​ខ្ញុំ​បាន​ដាក់​បណ្តាសា​នាង​ឲ្យនាងទៅជាបែបនេះ”។

ដោយឡែកងាកមកតារាស្រី Bella វិញកាលដែលនាងមានឱកាសក្លាយជាតួឯក ៥០០លាន ដោយសារគាត់បានជេរនាងដូចគ្នា។​ ពេលនោះ​រូប​គាត់​ចេញ​ឃ្លិប​និយាយ​កាន់​ជើង​និង​សរសើរនាង ពេល​​កំពុង​មាន​ព័ត៌មាន​ជាមួយ​អតីត​សង្សារ Weir ហើយ​ថែមទាំង​ធ្វើ​ឲ្យ​កេរ្តិ៍ឈ្មោះ​នាង​កាន់​តែ​ល្បី ខណៈ​រឿង “បុព្វេសន្និវាស”វគ្គ២ ​ក៏​កំពុងតែ​រក​ចំណូល​បាន​ច្រើន​ថែមទៀត។ ប៉ុន្តែក្រោយមកម៉ែលីណាក៏បានចេញឃ្លិបចោទ Bella ថា​ជាមនុស្សរមិលគុណ ហើយ​មិន​នឹក​ដល់​គាត់​ឬ​ផ្ដល់​តម្លៃ​សោះ​ សូម្បី​តែ​​អញ្ជើញ​សំបុត្រ​កុន​មួយដល់រូបគាត់​ក៏​គ្មាន​ផង។

ទោះយ៉ាងណា Bella ក៏បានចេញមុខបកស្រាយដោយប្រគល់សំបុត្រកុនឲ្យគាត់បានទស្សនារឿងដែលខ្លួនសម្ដែងកន្លងមក ហើយ Bella ក៏ចាប់ល្បីល្បាញកាន់តែខ្លាំងលើសមុនថែមទៀត។ ស្របពេលដែល Chompoo Araya ក៏ត្រូវម៉ែលីណារិះគន់ជេរដល់រូបនាងដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖Mai Davika ទម្លាយរឿងលំបាកក្នុងជីវិត រហូតទៅជួបពេទ្យចិត្តសាស្ត្រ