អតីតមិត្តប្រុស Prang ជួបឧបទ្ទវហេតុត្រូវបញ្ជូនចូលបន្ទប់សង្គ្រោះបន្ទាន់ភ្លាមៗ

តារារ៉េប Tong Twopee បានប្រកាស​លុប​ចោល​ការ​ប្រគំ​តន្ត្រី​ភ្លាមៗ ក្រោយឮដំណឹង​ថាលោក​ត្រូវ​បញ្ជូន​ទៅ​កាន់​មន្ទីរពេទ្យ​ជា​បន្ទាន់​​ ដោយសារ​គ្រោះថ្នាក់​ធ្លាក់​ដោយ​ឆ្អឹងបានបុក​សរសៃ​ប្រសាទ រហូតដល់មិនអាច​ដើរ​បាន។

តារារ៉េបរូបនេះបាន​បង្ហោះរូបភាព​ខ្លួនឯងដេកលើគ្រែអ្នកជំងឺ ដែលមាន​វេជ្ជបណ្ឌិតនិង​គិលានុបដ្ឋាយិកាដើម្បី​ផ្តល់​ការ​ព្យាបាល និង​ថែទាំ​យ៉ាង​ជិតស្និទ្ធ តាមរយៈ instagram ផ្ទាល់ខ្លួនជាមួយ​នឹង​ខេបសិន​ថា “​តាម​វេជ្ជបញ្ជា​ត្រូវ​សម្រាក! ខ្ញុំ​និង​ក្រុមតន្ត្រី​និង​ជំរំ ​សូម​អធ្យាស្រ័យ​ដល់​កម្មវិធី​តន្ត្រី Pattaya Ko Larn និង​អ្នកគាំទ្រ​តន្ត្រី​ទាំងអស់​ដែល​នឹង​ជួប​គ្នា​នៅ​ថ្ងៃ​ស្អែក​ផង​ដែរ។ ឧបទ្ទវហេតុ​ដោយចៃដន្យ បានប៉ះពាល់ដល់ផ្នែកខាងក្រោមខ្នង សរសៃប្រសាទដែលធ្វើឲ្យមិនអាចដើរ និង​ដាក់​ទម្ងន់​បានពេញលេញ។ អរគុណអ្នករៀបចំ និងក្រុមការងារ TAT ដែល​បានយោគយល់ ហើយសង្ឃឹមថានឹងបានជួបអ្នកម្តងទៀត P.S. អ្នកទាំងអស់គ្នាថែរក្សា​មុខឲ្យ​ស្អាត ហើយកុំភ្លេចថែរក្សាខ្នងរបស់អ្នកឲ្យបានល្អ ។ វាមិនចាំបាច់ថាវាធ្ងន់ពេកទេ ត្រលប់មករកផ្លូវវិញឆាប់ៗនេះ See yall love”។

បន្ថែមពីនេះ​ ​នៅក្រោមរូបភាពរបស់​ Tong Twopee ទស្សនិកជន​បាន​ចាប់​អារម្មណ៍​ភ្លាមៗ​លើ​ការ​បញ្ចេញ​មតិ​របស់ Ploy Chermarn ដែលផ្ញើសារលើកទឹកចិត្តដល់តារារ៉េបវ័យក្មេងរូបនេះ​ថា “Speedy recovery na #Stop fidgeting for a while” ស្របពេលដែលបច្ចុប្បន្ននេះតារាប្រុសស្រីទាំងពីរដួងនេះកំពុងធ្លាយចចាមអារ៉ាម​ថាមាន​ទំនាក់ទំនង​ស្នេហាជាមួយគ្នា។ លើសពីនេះ ក៏មានមិត្តភ័ក្តិក្នុងវិស័យសិល្បៈជាច្រើនព្រមទាំង អ្នកគាំទ្របានបញ្ចេញមតិ និងសូមឲ្យលោកឆាប់ជាសះស្បើយផងដែរ៕

ប្រែសម្រួល៖ សាង ស្រីល័ក្ខ

ចុចអាន​៖ក្រោយបែកធ្លាយមានទំនាក់ទំនងជាមួយ Ploy អតីតមិត្តប្រុស Prang បង្ហោះ​សារ​បញ្ជាក់​ការពិត

ចុចអាន៖ឈុតកូនក្រមុំរបស់ Kimberley លនៅបារាំង សូម្បីតែមិត្តប្រុសមិនទាំងដឹងផង