តារាបរទេស ៥ ដួង ធ្លាប់ញៀនគ្រឿងស្រវឹងសឹងតែងើបមិនរួច

គ្រឿងស្រវឹងជាអាវុធមុខពីរសម្រាប់មនុស្ស ទោះបីវាអាចជួយរំសាយអារម្មណ៍និងកាត់បន្ថយហានិភ័យជំងឺមួយចំនួនក៏ដោយ ជាតិស្រវឹងនៅតែអាចបំផ្លាញអនាគតរបស់អ្នកដដែលបើទទួលទានលើសកម្រិត ។ មកដឹងពីតារាបរទេស ៥ ដួងធ្លាប់ញៀនគ្រឿងស្រវឹងសឹងតែងើបមិនរួច ៖

១. Robert Downey Jr. 

ភាគច្រើនស្គាល់គាត់ជាតួ Iron Man ក្នុងរឿង Avengers ដ៏ល្បីលំដាប់ពិភពលោក លោក Robert ធ្លាប់ញៀនស្រានិងថ្នាំរហូតត្រូវចាប់ខ្លួនកាលពីជាង ២០ ឆ្នាំមុន ។

២. Brad Pitt

លោក Brad ជាតារាសម្ដែងជួរ A ជាងប្រហែល ៣០ ឆ្នាំមកហើយ ក្រោយបែកបាក់គ្រួសារនៅឆ្នាំ ២០១៧ គាត់បានបើកចំហពីបទពិសោធន៍ញៀនស្រានិងថ្នាំថាដើម្បីបន្លប់អារម្មណ៍សោកសៅ ។

៣. Zac Efron

លោក Zac បានសារភាពថា ការក្លាយជាតារាហូលីវូដនៅវ័យក្មេងពេកពិតជាមានសំពាធច្រើនពិបាកទទួលយកណាស់ទើបគាត់ផឹកគ្រឿងស្រវឹងបន្ធូរអារម្មណ៍ ប៉ុន្តែជ្រុលញៀនខ្លាំងសឹងដកខ្លួនមិនរួច ។

៤. Demi Lovato

ពីមុន Demi មិនត្រឹមតែញៀនស្រាប៉ុណ្ណោះទេ តារាស្រីពានរង្វាន់ Grammy រូបនេះថែមទាំងញៀនថ្នាំកម្រិតធ្ងន់ទៀតផង សូម្បីលើយន្តហោះក៏នាងត្រូវការថ្នាំខ្លាំងដែរ ។

៥. Daniel Radcliffe

លោក Daniel ជាតួ Harry Potter ក្នុងរឿងវេទមន្តដ៏ល្បីរន្ទឺ គាត់សារភាពថាដើម្បីសម្របខ្លួនជាតារាល្បីភ្លាមៗធ្វើឲ្យខ្លួនញៀនគ្រឿងស្រវឹងដល់ថ្នាក់ផ្ដាច់ខ្លួនចេញពីសង្គមទៅវិញ បច្ចុប្បន្នគាត់បានផ្ដាច់វាដោយជោគជ័យហើយ ។

មិនថាដើរផ្លូវខុសយ៉ាងណាឡើយ ការភ្ញាក់ខ្លួននៅតែមិនទាន់ហួសពេលទេដរាបណាអ្នកនៅមានជីវិតនិងចេះដឹងកំហុស ៕

ប្រែសម្រួល ៖ វារី

ចុចអាន ៖ តារាអន្តរជាតិ ៥ រូប ធ្លាប់ជះលុយទិញអាហារឲ្យមហាជន