អ្នកគាំទ្ររិះគន់លោក ណាវ៉ាត់ រឿងនាំ Miss Grand ថ្នាក់ខេត្តទៅប្រទេសវៀតណាម

អ្នក​គាំទ្រ​វិស័យសម្រស់វៀតណាម បានចេញមុខបដិសេធវត្តមានប្រធានស្ថាប័ន Miss Grand International ក្រោយ​ពេល​ទទួល​​ដំណឹងប្រធានស្ថាប័នរូបនេះ និងបេក្ខភាពបវរកញ្ញា Miss Grand ហោះទៅ​ប្រទេស​វៀតណាម ​ខណៈទស្សសនិកជនជា​ច្រើន​បាន​បញ្ជាក់​ថា​ ពួក​គេ​មិន​ទៅ​ព្រលានយន្តហោះ​ស្វាគមន៍​គណៈប្រតិភូ​នោះទេ។

មិនត្រឹមទទួលការបដិសេធវត្តមានប៉ុណ្ណោះទេ ប៉ុន្តែលោក ណាវ៉ាត់ ក៏រងពាក្យរិះគន់ខ្លាំងៗផងដែរពីទស្សនិកជន ពាក់ព័ន្ធរឿងដែលលោកយកបេក្ខភាពបវរកញ្ញា Miss Grand ថ្នាក់ខេត្តទាំង ៨រូប ទៅទស្សនកិច្ច។ ទស្សនិកជនគិតថា វាមិនសមហេតុផលនោះទេ ដែលបវរកញ្ញា ៨រូបទៅវៀតណាម ព្រោះពួកនាងត្រឹមតែជាបេក្ខភាពប្រឡងថ្នាក់ខេត្តប៉ុណ្ណោះ ម្ដេចអាចឈានជើងទៅកាន់វៀតណាម ដើម្បីពិភាក្សាការងារថ្នាក់អន្តរជាតិបានទៅ។

អ្នកគាំទ្រសម្រស់វៀតណាមភាគច្រើនគិតថា នេះជាល្បិចដើម្បីទាក់ទាញការចាប់អារម្មណ៍របស់លោក ណាវ៉ាត់ ក្នុងទីផ្សារប្រទេសវៀតណាម បន្ទាប់ពីពួកគេនាំគ្នាចុច unfollow ផេកផ្លូវការ កាលពីខែតុលា ឆ្នាំ២០២២។

បច្ចុប្បន្ន Miss Grand International លែងទទួលបានការគាំទ្រសាទរពីទស្សនិកជនវៀតណាមទៀតហើយ ដោយសាររឿងចម្រូងចម្រាសជាច្រើន កាលពីចុងឆ្នាំមុន។ ដូច្នេះទស្សនិកជនវៀតណាម គិតថាវាពិតជាលំបាកសម្រាប់លោក ណាវ៉ាត់ ក្នុងការទទួលបានទំនុកចិត្ត និងការស្រឡាញ់ពីអ្នកគាំទ្រឡើងវិញ៕

ប្រែសម្រួល៖ សន្យា

ចុចអាន៖ អ្នកគាំទ្រវៀតណាមបដិសេធវត្តមានលោក ណាវ៉ាត់ ចូលក្នុងប្រទេសខ្លួន

ចុចអាន៖ The Weeknd គ្រងតំណែងជាសិល្បករពេញនិយមបំផុតលើភពផែនដី