ជីវិតកម្សាន្ដ

Bella-Mint បង្កើតភាពស្និទ្ធស្នាលចម្លែក ខណៈ Margie-Mew សឹងមិនងាកមុខរកគ្នា

បានផុស

២ years មុន

នៅ

ថ្ងៃចន្ទ ២៧ មីនា ២០២៣

ដោយ

នៅក្នុងកម្មវិធីគម្រប់ខួប៥៣ឆ្នាំរបស់ទូរទស្សន៍ប៉ុស្តិ៍លេខ៣ តារាស្រីៗត្រូវជួបមុខគ្នាដើម្បីប្រារព្ធកម្មវិធី ប៉ុន្តែមុននឹងចាប់ផ្តើម Margie Rasri–Yaya Urassaya និង Kimberly ត្រូវតម្រូវឲ្យឡើងជិះឡានជាមួយគ្នា ខណៈ Mint Chalida និង Mew Nittha ជិះឡានរួមគ្នាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បន្ទាប់ពីការសម្ដែងរួមគ្នាបានបញ្ចប់ តារាប្រុសស្រីត្រូវដើរចូលបន្ទប់ចាក់សោ ក្នុងនោះក៏មានរូបភាពរបស់ Mint Chalida ដើរតាមពីក្រោយ Bella ហើយអ្នកទាំងពីរក៏បានសន្ទនាគ្នាយ៉ាងស្និទ្ធស្នាលផងដែរ។ ចំណែកតារាស្រីពីរនាក់ទៀត Margie-Mew មិនមានការសន្ទនាឬស្និទ្ធស្នាលឡើយ។ ជាមួយគ្នានោះដែរ មហាជនបានសម្ដែងអារម្មណ៍ភ្ញាក់ផ្អើល បន្ទាប់ពីមានរូបភាព Bella-Mint បង្ហាញជាសាធារណៈជាមួយគ្នា ព្រោះកម្រឃើញពួកគេធ្វើសកម្មភាពជិតស្និតនៅនឹងមុខមនុស្សគ្រប់គ្នាណាស់។

ទោះយ៉ាងណានៅមុននេះបន្តិច Bella Ranee ទើបតែផ្តល់បទសម្ភាសន៍អំពីរឿងរបស់តារាស្រីទាំង ៤ ថា នាងពិតជាមានការភ្ញាក់ផ្អើលជាមួយនឹងរឿងដែលបានកើតឡើងយ៉ាងខ្លាំង។ ព្រោះពេលដែលបានជួបសំណេះសំណាលគ្នា គឺដូចជាគ្មានបញ្ហា ហើយ Bella បាននិយាយថា នាងមិនមានបញ្ហាជាមួយនរណាម្នាក់ទេនៅក្នុងវិស័យសិល្បៈ៕