វត្តី សារ៉ាវឌ្ឍី ស្រក់ទឹកភ្នែកពេលរម្លឹករឿងឪពុកសុំទោស ខណៈរស់ខ្វះភាពកក់ក្តៅពីម្តាយ

តាមការកត់សម្គាល់បវរកញ្ញា ពេជ្រ វត្តីសារ៉ាវឌ្ឍី នាពេលបច្ចុប្បន្ននាងនៅតែឆក់បានការគាំទ្រ និងរក្សាបាននូវប្រជាប្រិយភាពពីសំណាក់សំណាក់មហាជនទូទៅ។ ចំពោះការរក្សាបានប្រជាប្រិយភាពនេះ ដោយសារភាពរុះរាយ និងអត្តចរិក​ខណ:កន្លងមកនាងក៏ជាបុគ្គលសំខាន់ម្នាក់ដែលបានតំណាងប្រទេសក្នុងការប្រកួតលើឆាកអន្តរជាតិផងដែរ។

ដោយឡែកងាកមកចាប់អារម្មណ៍អំពីរឿងរ៉ាវជីវិតឯជនក្រៅសិល្ប:ឯណ្ណេះវិញ កន្លងមក វត្តីសារ៉ាវឌ្ឍី មិនធ្លាប់បង្ហាញឲ្យនណាបានដឹងច្រើននោះទេ ប៉ុន្តែមុននេះនាងបានដាច់ចិត្តទម្លាយយ៉ាងភ្ញាក់ផ្អើលដោយរម្លឹករឿងរ៉ាវជីវិតតស៊ូរស់នៅខ្វះភាពកក់ក្តៅពីម្តាយហើយជារឿយៗឪពុកតែងសុំទោសខ្លួនដែលគាត់ពុំអាចមើលថែនាងបានល្អ។

ជាក់ស្ដែងបើតាមការសម្រង់សម្ដីរបស់កញ្ញាពេជ្រ វត្តី សារ៉ាវឌ្ឍី ដែលត្រូវបានផេក Beauty Pageant Re viewer បានដកស្រង់យកមកបញ្ជាក់ដូច្នេះថា «ប៉ា តែងតែនិយាយថា សុំទោសខ្ញុំដែលគាត់ពុំអាចមើលថែខ្ញុំបានល្អ ខ្ញុំតបទៅប៉ាវិញថា ប៉ាគ្រាន់តែបង្កើតខ្ញុំមក ប៉ាមានគុណធំសម្រាប់ខ្ញុំរួចទៅហើយទុកវេលានេះ ទុកឲ្យកូនសុំមើលថែប៉ាវិញម្តង »។

ប្រភពបានបន្តថា វត្តី ធំធាត់ឡើងដោយគ្មានម៉ាក់គ្រប់ពេលដែលគេសួរពីម៉ាក់វត្តីមិនអាចមានចម្លើយសម្រាប់ឆ្លើយបានទេ!រាល់សំនួរដែលសួរពីម៉ាក់ វត្តី តែងតែប្តូរចម្លើយទៅជាប៉ារបស់នាងពីក្មេងធំធាត់ឡើងដោយខ្វះភាពកក់ក្តៅ ។ នាងមក​ឈរ​នៅចំណុចនេះ មិនមែនជារឿងងាយស្រួលឡើយ នាងគឺជាឧទាហរណ៍ សម្រាប់ក្មេងៗដែលកំព្រា ត្រូវមានការតស៊ូខ្ពស់ និងហ៊ានទៅរកចាប់ក្តីស្រមៃរបស់ខ្លួនឯង។

គួរម្លឹកថា កញ្ញា ពេជ្រ វត្តីសារ៉ាវឌ្ឍី គឺជាបវរកញ្ញតំណាងកម្ពុជាក្នុងការចេញទៅប្រកួចលើឆាកអន្តរជាតិនាពេលថ្មីៗកន្លងមកនេះ។ យ៉ាងណាមិញទោះបីនាងមិនអាចឆ្លងចូលទៅក្នុងTop5នៃការប្រកួតវគ្គផ្តាច់ព្រ័ត្រ MGI 2022នៅឯប្រទេសឥណ្ឌូនេស៊ីពិតមែនតែបរវកញ្ញារូបនេះរក្សាបានការគាំទ្រនិងលើកទឹកចិត្ត ខ្លាំងពីសំណាក់ប្រជាជនកម្ពុជាគ្រប់រូប៕

អត្ថបទ៖ ចាន់រ៉ា