ជីវិតកម្សាន្ដ

ផលិតកម្ម SM ច្រានចោលព័ត៌មានថា មិត្តស្រី SeHun សមាជិក EXO មានផ្ទៃពោះ

បានផុស

២ years មុន

នៅ

ថ្ងៃចន្ទ ២៧ មីនា ២០២៣

ដោយ

ផលិតកម្ម SM Entertainment បានចេញមកបដិសេធពាក្យចចាមអារ៉ាមថា សង្សាររបស់ SeHun សមាជិក EXO មានផ្ទៃពោះមុនពេលរៀបការ រួមទាំងនឹងចាត់វិធានការណ៍តាមផ្លូវច្បាប់ចំពោះអ្នកដែលចែកចាយព័ត៌មានមិនពិត ណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី ២៧ នេះខាងផលិតកម្ម SM Entertainment បានប្រាប់ MBN Star ឲ្យដឹងថា”ពាក្យចចាមអា រ៉ាមអំពី Sehunសមាជិក EXO ដែលត្រូវបានផ្សព្វផ្សាយតាមអ៊ីនធឺណិតគឺគ្មានមូលដ្ឋានច្បាស់លាស់ និងមិនមែនជាការពិត ហើយវាគឺជាអំពើឧក្រិដ្ឋកម្មជាក់ស្តែងក្នុងការចែកចាយខ្លឹមសារអាក្រក់ដែលខុសពីការពិត” ។

ខាងផលិតកម្មបានបន្តទៀតថា “បច្ចុប្បន្នយើងកំពុងតាមដានស្ថានភាពដែលការបង្ហោះត្រូវបានលុប ប៉ុន្តែយើងកំពុងតាមដានការបង្ហោះដើម និងអ្នកផ្សព្វផ្សាយពាក្យចចាមអារ៉ាម ហើយយើងនឹងចាត់វិធានការផ្លូវច្បាប់យ៉ាងខ្លាំង”។

ទន្ទឹមនឹងនោះ មុនចេញសេក្តីប្រកាសនេះ នៅលើគេហទំព័រសហគមន៍អនឡាញមានអត្ថបទមួយ ត្រូវបានបង្ហោះឡើង ធ្វើឲ្យមានការសង្ស័យថាមិត្តស្រីរបស់ Sehun សមាជិកក្រុម EXO មានមានផ្ទៃពោះមុនពេលរៀបការ តែទោះយ៉ាង ណាមកទល់ពេលនេះអត្ថបទមួយនេះត្រូវបានលុបចោលពីអ៊ីនធឺណិត ៕

ប្រែសម្រួល៖នាងតូច

ចុចអាន៖ទម្លាយតម្លៃឈុត ដែល Jisoo ស្លៀកក្នុង Teaser អាល់ប៊ុមទោលរបស់នាង