ជីវិតកម្សាន្ដ

ក្រោយសង្ស័យមិនចុះសម្រុង Taew ប្រាប់ហេតុផលមិនបានចូលរួមកម្មវិធីរបស់ប៉ុស្តិ៍លេខ ៣

បានផុស

១ year មុន

នៅ

ថ្ងៃអង្គារ ២៨ មីនា ២០២៣

ដោយ

តារាសម្ដែងស្រី Taew Natapohn បានចេញមុខមកបញ្ជាក់ការពិតច្បាស់ៗ ក្រោយមិនបានចូលរួមក្នុងកម្មវិធីគម្រប់ខួប៥៣ឆ្នាំរបស់ទូរទស្សន៍ប៉ុស្តិ៍លេខ៣ ដោយសារនាងមានបញ្ហាសុខភាពតាំងពីដើមឆ្នាំ និងត្រូវសម្រាកដើម្បីសង្គ្រោះបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុស្តិ៍លេខ ៣បានប្រារព្ធខួបលើកទី៥៣ របស់ខ្លួននៅឆ្នាំនេះនិងមានការបង្ហាញរូបភាពដ៏គួរឲ្យស្រលាញ់ ពីកងទ័ពតារាសម្ដែងក្នុងទ្រនំផលិតកម្មរួមគ្នានៅលើទីលានបាល់ទាត់ នៃមជ្ឈមណ្ឌលកីឡា Thammasat Rangsit ស្របពេលដែលអ្នកគាំទ្រជាច្រើនបានសម្ដែងក្ដីរីករាយទាំងអស់គ្នាហើយពួកគេក៏បានលើកទឹកចិត្ត និងស្និទ្ធស្នាលជាមួយសិល្បករដែលខ្លួនចូលចិត្តផងដែរ។ ប៉ុន្តែនៅក្នុងព្រឹត្តិការណ៍នេះ អ្នកនិយមលេងអ៊ីនធឺណេតបានកត់សម្គាល់ឃើញថា ពួកគេមិនបានឃើញតារាស្រី Taew ចូលរួមក្នុងកម្មវិធីទេ ព្រោះជារៀងរាល់ឆ្នាំគេតែងតែឃើញរូបភាពរបស់នាងបង្ហាញក្បាច់រាំយ៉ាងសប្បាយរីករាយ។

យ៉ាងណាមិញ មិនទុកមន្ទិលសង្ស័យឲ្យជាប់យូរលើបណ្ដាញសង្គមនោះទេ កាលពីពេលថ្មីៗនេះ Taew ចេញមកបំភ្លឺការពិតនិងច្បាស់ៗពីមូលហេតុនាងមិនបានទៅចូលរួមកម្មវីធីដ៏ធំមួយនេះ តាមរយៈបណ្ដាញសង្គម IG តួឯកស្រីក្នុងរឿង “ព្រះម៉ែនាគី” បានបញ្ចាក់ថា ”គួរឲ្យអាណិតណាស់ដែលឆ្នាំនេះខ្ញុំមិនមានឱកាសចូលរួមខួបលើកទី៥៣របស់ប៉ុស្ដិ៍លេខ៣ ធម្មតាខ្ញុំមិនដែលខកខានមួយឆ្នាំទេ។ ខ្ញុំពិតជាចង់ទៅរាំជាមួយអ្នកទាំងអស់គ្នា។ Taew សូមឆ្លៀតឱកាសនេះសុំទោសដល់បងប្អូន មិត្តភ័ក្តិក្នុងប៉ុស្តិ៍លេខ៣ និងប្រិយមិត្តទាំងអស់ដែលបានមកដល់ទីនេះ។ ប៉ុន្តែដោយសារ Taew កំពុងជាសះស្បើយពីបញ្ហាសុខភាពដែលបានកើតឡើងតាំងពីដើមឆ្នាំមកម្ល៉េះ ដូច្នេះត្រូវប្រើរយៈពេលនេះដើម្បីថែរក្សាសុខភាពជាមុនសិន។ ដើម្បីងើបឡើងវិញ និងត្រឡប់ទៅធ្វើការពេញលេញម្តងទៀត។ ចុងក្រោយ Taew សូមអរគុណចំពោះការគាំទ្រទាំងអស់ពីគ្រួសារ មិត្តភ័ក្តិ និងមនុស្សជុំវិញខ្លួន ដែលស្រលាញ់និងយកចិត្តទុកដាក់ចំពោះ Taew ខ្លាំងណាស់។ ហើយក៏អរគុណអ្នករាល់គ្នាដែលបានយល់ចិត្ត Taew ផងដែរ”៕