ជីវិតកម្សាន្ដ

Mint ត្រូវមហាជនសរសើរពេញមាត់ថា ជាតារាស្រីចុះសម្រុងនឹងគ្រប់គ្នា

បានផុស

១ year មុន

នៅ

ថ្ងៃអង្គារ ២៨ មីនា ២០២៣

ដោយ

បន្ទាប់ពីរូបភាពច្រើនសន្លឹករបស់ Mint Chalida រួមជាមួយនឹងតារាស្រីៗក្នុងទ្រនំរួមគ្នាបង្ហោះសាធារណៈលើបណ្ដាញសង្គម នាងត្រូវមហាជនជាច្រើនសម្រុកសរសើរថា Mint ងាយចុះសម្រុងនឹងគ្រប់គ្នា ហើយកម្រមានព័ត៌មានមិនត្រូវគ្នាជាមួយអ្នកណាណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពជាច្រើនក្នុងព្រឹត្តិការណ៍បាល់ទាត់ប៉ុស្តិ៍លេខ៣ និងខួបគម្របខួបលើកទី៥៣ តារាសម្ដែងស្រី Mint Chalida បានបង្ហោះរូបថតជាមួយនឹងតារាស្រីប្រចាំប៉ុស្តិ៍លេខ ៣ដូចគ្នា ខណៈក្នុងរូបភាពនោះបង្ហាញពីតារាល្បីៗស្ទើរតែទាំងអស់ដែលបានចូលរួមក្នុងពិធី រួមទាំងក្រុមស្រីស្អាតដូចជា Margie Rasri និង Mew Nittha ផងដែរ។

ជាមួយគ្នានោះដែរ Mint Chalida បានសរសេរខេបសិនលើរូបភាពនោះថា “belovefestival53 ឆ្នាំល្អសម្រាប់បេះដូងគ្រប់គ្នា”។ ធ្វើឲ្យអ្នកគាំទ្រជាច្រើនចូល Comment ខុសៗថា “ម្នាក់ៗស្អាតគ្មានអ្នកណាចាញ់អ្នកណាទេ។ ជាពិសេសគួរឲ្យសរសើរ Mint ដែលនាងជាមនុស្សមានចិត្តទូលាយមិនខ្វល់ថាអ្នកណាមានបញ្ហាឬមានជម្លោះ ក៏នាងនៅតែចុះសម្រុងជាមួយគ្នាដោយមិនប្រកាន់ឡើយ។ ត្បិតថាពីមុន Mint ធ្លាប់មានបញ្ហាជាមួយ kimberly ក្ដី តែមើលតាមរយៈរូបភាព វាគ្រាន់តែជាអតីតកាលមួយ ដែលកន្លងហួសប៉ុណ្ណោះ។

សូមបញ្ចាក់ដែរថា មុននឹងមហាជនលើកសរសើរ Mint បែបនេះ គឺដោយសារតែក្នុងថ្ងៃខួបគម្របខួបលើកទី៥៣ របស់ប៉ុស្តិ៍លេខ៣ Bella និង Mint បានបង្ហាញសកម្មភាពជិតស្និតនៅនឹងមុខមនុស្សគ្រប់គ្នា ដោយសារតែគេកម្រឃើញពួកគេធ្វើសកម្មភាពបែបនេះនៅកន្លែងសាធារណៈឲ្យទស្សនិកជនបានឃើញណាស់៕