ជីវិតកម្សាន្ដ
ពែកមី ប្រតិកម្ម ក្រោយមានការលើកឡើងពាក់ព័ន្ធបញ្ហាសុខភាព
ដូចដែលមហាជនអ្នកគាំទ្របានដឹងហើយថា តារាកំប្លែងមានដើមកំណើតចេញពីទឹកដីខេត្តស្វាយរៀង លោក ចែម ចាន់ដារ៉ា ហៅនាយ ពែកមី នាពេលថ្មីៗកន្លងមក ធ្លាប់ចេញមុខបកស្រាយម្ដងជាពីរដងរួចមកហើយ ជុំវិញចម្ងល់របស់ទស្សនិកជនដែលឃើញសភាពស្រកគីឡូ និងស្រកសាច់ស្គមស្លេកស្លាំងខុសប្លែកកាលពីគ្រាមុន។
កាលណោះតារាកំប្លែងនាយ ពែកមី បានបញ្ជាក់ដោយផ្អែកតាមលទ្ធផលរបស់ក្រុមគ្រូពេទ្យថា មួយតួខ្លួនរបស់លោកពុំមានជំងឺអ្វីទេ គឺសុខភាពល្អជាធម្មតា។ យ៉ាងណាមិញបន្ទាប់ពីមន្ទិលនេះត្រូវបានបកស្រាយមួយរយៈខ្លី ស្រាប់តែមុននេះ គេប្រទះឃើញផេកមួយបានសរសេរខ្លឹមសារបង្ហោះភ្ជាប់រូបភាពនាយ ពែកមី ដោយលើកឡើងថា តាំងពីបានហូបផលិតផលព្យាបាលជំងឺ ១ ម៉ឺនមុខមក សភាពរបស់គាត់ខុសប្លែកជាងមុន។ អ៊ីចឹងបានថា កុំសូវជឿពេកអារឿងផលិតផលនេះល្អ នោះល្អ(អាហារបំប៉ន)។ ខ្ញុំនិយាយគឺចង់ឲ្យបងប្អូនយល់ទេ មិនមែនសំដៅលើ ពាក់មី ទេ នេះគ្រាន់តែឧទាហរណ៍ប៉ុណ្ណោះ។ ប្រភពបន្ថែម។
បន្ទាប់ពីមានការបង្ហោះបែបនេះ ភ្លាមៗសាមីខ្លួននាយ ពែកមី បានចេញមុខប្រតិកម្មបង្ហាញការមិនពេញចិត្តចំពោះការលើកឡើងខាងលើ។
តារាកំប្លែងនាយ ពែកមី បានឆ្លើយតបវិញថា «កុំចង់បានប្រយោជន៍ខ្លួនឯង ផុសនិយាយប៉ះពាល់ខ្ញុំ ចូលមើលលទ្ធផលឈាមខ្ញុំសិនទៅ ខ្ញុំគ្មានឈឺអ្វីទាំងអស់ យករូបខ្ញុំទៅផុស វាយប្រហារដល់ក្រុមហ៊ុនទៀត ល្ងាចនិយាយគ្នាបន្តិច»។ ជាមួយគ្នានេះ ក៏មានការបញ្ចេញមតិមួយចំនួនទៅលើបញ្ហានេះផងដែរ។
សូមជម្រាបដែរថា នាយ ពែកមី កន្លងមក បានបញ្ជាក់ច្បាស់ៗមកថា «បងប្អូនថាខ្ញុំស្គមខ្លាំង ហើយថា ខ្ញុំឈឺនេះឈឺនោះ ឥឡូវលទ្ធផលឈាមចេញហើយ»។ នាយ ពែកមី និយាយថា កាលដែលលោកទៅពិនិត្យសុខភាព ដំបូងឡើយដោយសារតែបញ្ហារោយ.ក និងតឹងដៃជើង ព្រោះលើសជាតិខ្លាញ់ (ខ្លាញ់រុំបេះដូង-ថ្លើម) ទើបបណ្ដាលឲ្យលោកឡើងគីឡូរហូតដល់ជាង ៨០ គីឡូឯណោះ ហើយក្នុងដំណាក់កាលនោះ លោកមិនបានព្យាបាលអ្វីទាំងអស់ គ្រាន់តែពេទ្យណែនាំ គឺយើងកាត់បន្ថយការហូបអាហារណាដែលធ្វើឲ្យឡើងជាតិខ្លាញ់ខ្លាំង កាត់បន្ថយការហូបស្រាបៀ និងត្រូវហាត់ប្រាណជាប្រចាំ។
លោកបន្តថា បន្ទាប់មកទៀតលោកត្រូវឆែកសុខភាពជាប្រចាំរៀងរាល់ ៣ ឬ ៤ ខែម្តង ក្នុងនោះឃើញថា លោកស្រកទម្ងន់អស់ប្រមាណជិត ២០ គីឡូ។ លោកថា «ពេលនេះខ្ញុំគ្មានឈឺអីទាំងអស់ ថ្លើម អាស៊ីដ ទឹកនោមផ្អែម មួយតួខ្លួនល្អទាំងអស់ ខ្ញុំស្គមដោយសារខ្ញុំខំថែខ្លួនតមអាហារ និងប្រើប្រាស់អាហារបំប៉ន»។ ដើម្បីឲ្យដឹងកាន់តែច្បាស់បន្ថែម លោក ពែកមី ក៏បានបង្ហាញលទ្ធផលឈាមតាមរយៈការណែនាំរបស់គ្រូពេទ្យជំនាញ ដោយក្នុងនោះបញ្ជាក់ថា នៅក្នុងខ្លួនរបស់លោកពុំមានជំងឺអ្វីនោះទេ ពោលគឺសុខភាពនាយ ពែកមី មួយតួខ្លួនល្អទាំងអស់តែម្ដង៕
អត្ថបទ ៖ ចាន់រ៉ា
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ