Jisoo បំបែកកំណត់ត្រា មានអ្នកគាំទ្រទិញអាល់ប៊ុមទុកមុន លើសពីចំនួន ១ លានបន្ទះ

យោងទៅតាមការរាយការណ៍របស់ទីភ្នាក់ងារផលិតកម្មកាលពីថ្ងៃអង្គារថា Jisoo សមាជិកក្រុមចម្រៀងនារី BLACK PINK បានបង្កើតកំណត់ត្រាថ្មីក្នុងនាមសិល្បៈទោល K-pop ដែលទទួលការកុម្ម៉ង់ទុកមុន សម្រាប់អាល់ប៊ុមទោលដំបូងរបស់នាងបានលើស ១.២៤ លានបន្ទះ ។

ជាមួយគ្នានេះ ខាងផលិតកម្ម YG Entertainment ក៏បានប្រកាសឲ្យដឹងថាតម្រូវការរបស់អ្នកគាំទ្រក្នុងការទិញអាល់ ប៊ុមដំបូងរបស់ Jisoo ត្រឹមតែលក់ដាច់នៅក្នុងទីផ្សារកូរ៉េប៉ុណ្ណោះទេ ប៉ុន្តែក៏នៅឯទីផ្សារអន្តរជាតិជាច្រើនទៀតនៅជុំវិញពិភពលោកលក់ដាច់មិនធម្មតារួមទាំងអាមេរិកខាងជើង អឺរ៉ុប ចិន និងជប៉ុន ក៏ដូចជាអាស៊ីអាគ្នេយ៍ ។

ក្នុងនោះអាល់ប៊ុម ME បានជួយ Jisoo បង្កើតកំណត់ត្រាសម្រាប់ចំនួនអាល់ប៊ុមដែលបានកុម្ម៉ង់ទុកមុនដោយក្លាយជាសិល្បករទោល K-Pop ស្ត្រីក្នុងប្រវត្តិសាស្ត្រនៅពេលដែលអាល់ប៊ុមលក់ដាច់លើស ១.២៤ លានបន្ទះ។ កន្លងមក YG Entertainment ក៏បានបង្ហាញការជឿជាក់យ៉ាងខ្លាំងថា Jisoo នឹងក្លាយជាតារាចម្រៀងទោល K-Pop ស្ត្រីដំបូងគេដែលមានអាល់ប៊ុមលក់ដាច់រាប់លានបន្ទះផងដែរ ។

យ៉ាងណាមិញ អាល់ប៊ុម ME របស់ Jisoo នឹងរួមបញ្ចូលបទចម្រៀងចំនួន ២ ដែលបទចម្រៀងមានចំណងជើងថា “Flower” និងមួយបទទៀតគឺ “All Eyes on Me” ហើយអាល់ប៊ុមនេះនឹងចេញជាផ្លូវការនៅថ្ងៃទី ៣១ ខែមីនា ៕

ប្រែសម្រួល៖នាងតូច

ចុចអាន៖ត្រួសៗពី Miss Grand ភូកេត ដែលព្រហើនហ៊ានប្រមាថលើទង់ជាតិ កម្ពុជា