ជីវិតកម្សាន្ដ

តារាទសវត្សរ៍៦០-៧០ កែវ មន្ថា ក្រោយបាត់មុខពីសិល្ប: តាមពិតកំពុងសម្ងំរស់នៅ ងារជាជំទាវ

បានផុស

៤ years មុន

នៅ

ថ្ងៃអាទិត្យ ១៧ មករា ២០២១

ដោយ

មហាជនប្រហែលជានៅចាំមុខនិងស្គាល់ ក្រោយពេលរម្លឹកដល់ឈ្មោះអតីតតារាសម្ដែងនិងចម្រៀងល្បីល្បាញនាទសវត្សរ៍ឆ្នាំ៦០-៧០អ្នកនាង កែវ មន្ថា ខណៈ:ដែលកន្លងមកគាត់បានបាត់មុខពីសិល្ប:អស់មួយរយៈធំហើយមានការសង្ស័យថាអ្នកនាងប្រហែលចេញទៅសំងំរស់នៅសោយសុខឯក្រៅប្រទេសទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញបន្ទាប់មានការសួរនាំច្រើនពីសំណាក់អ្នកគាំទ្រចង់ដឹងថាបច្ចុប្បន្ននេះអ្នកនាង កែវ មន្ថា កំពុងតែរស់នៅឯណា? ហើយប្រកបការងារអ្វីក្រោយពេលឃ្លាតឆ្ងាយពីសិល្ប:? ដើម្បីស្រាយមន្ទិលនេះអ្នកនាង ស៊ិន ឧត្តមផល្លារ បានចេញមុខបញ្ជាក់ឲ្យដឹងច្បាស់ៗថាសព្វថ្ងៃអ្នកនាង កែវ មន្ថា ថ្វីត្បិតឃ្លាតឆ្ងាយពីសិល្ប: តែអ្នកនាងកំពុងរស់នៅក្នុងប្រទេសខ្មែយ៉ាងសុខស្រួលជាមួយងារជាជំទាវ។

បើយោងតាមការឲ្យដឹងពីតារាចម្រៀងអ្នកស្រី ស៊ិន ឧត្តមផល្លា បានបញ្ជាក់ថាអ្នកស្រី កែវ មន្ថា អតីតតារាសម្ដែងនិងចម្រៀងដ៏ល្បីល្បាញក្នុងទសវត្សរ៍ ៦០-៧០គាត់ជាតារាឯកស្រីនៅក្នុងរឿង សង្សារឧត្ដ មដួងចិត្តបច្ចុប្បន្នអតីតតារាសម្ដែងរូបនេះមានឋា នៈជាលោកជំទាវ។

អ្នកនាងថាបើទោះបច្ចុប្បន្នលោកជំទាវ កែវ មន្ថា បានឈប់ពីវិស័យសិល្បៈអស់រយៈ ពេលជាច្រើនឆ្នាំក៏ដោយតែ លោកជំទាវបានបន្សល់ទុកនូវស្នាដៃជាច្រើនក្នុងវិស័យមួយនេះ។ ប៉ុន្តែក្មេងសម័យនេះភាគតិចណាស់ ដែលបានស្គាល់គាត់ហើយអ្នកខ្លះដែលធ្លាប់ស្គាល់ក៏អាចភ្លេចផងក៏មិនដឹង។

អ្នកនាង ស៊ិន ឧត្តមផល្លា បានបន្តថាអតីតតារាសម្ដែងដ៏ល្បីល្បាញរូបនេះបានចូលប្រឡូកក្នុងវិស័យឧស្សាហកម្មភាពយន្តសម្តែងនៅក្នុងឆ្នាំ១៩៦០ហើយគាត់ក៏ជាតារាចម្រៀងផងដែរនាសម័យ នោះ។ រឿងដែលគាត់សម្តែងមានដូចជា៖ រឿង សង្សារឧត្ដមដួងចិត្ត, រឿង សំណើចចំអកនៃព្រហ្មលិខិត, រឿងគូរកម្មទេបង, រឿង ជំនោរកំពូលភ្នំ, រឿងចិត្តម្តាយ និងរឿងជាច្រើនទៀត។

បទចម្រៀងរបស់គាត់មានដូចជា៖ បទ មួលភ្លៅ, បទ មិនយកទេប្ដីចាស់, បទ គេហើយនិងបង , បទ ថើបមកចុះ, បទ ម្ចាស់ចិត្តស្នេហ៍,បទ ប្រហារដួងចិត្តនិងបទនិងបទចម្រៀងជាច្រើនទៀត។ តារា រូបនេះនៅមានជីវិត បច្ចុប្បន្នគាត់រស់នៅក្នុងប្រទេសកម្ពុជា ហើយគាត់មានឋានៈជាលោកជំទាវផងដែរ ៕

អត្ថបទ៖ចាន់រ៉ា

ចុចអាន៖ឡោម លក្ខិណា សម្រេចភ្ជាប់ពាក្យជាមួយ គូស្នេហ៍ជាមន្រ្តី

ចុចអាន៖ទូច ស្រីល័ក្ខ និងកូនប្រុសឡើងតុលាការស្អែកនេះ ដើម្បីតតាំងក្តីករណីអតីតស្វាមីទាមទារកូន