ឃើញ Han So Hee ញ៉ែញង Song Hye Kyo ញឹកពេក ហ្វេនសង្ស័យនាងស្រឡាញ់ស្រីដូចគ្នា

ការបញ្ចេញមតិញ៉ែញ៉ង Song Hye Kyo ញឹកញាប់នៅលើ Instagram ធ្វើឱ្យតារាសម្ដែង Han So Hee ត្រូវអ្នកគាំទ្រសង្ស័យថា នាងទំនងជាស្រឡាញ់ស្រីដូចគ្នា ហើយរឿងនេះកំពុងត្រូវបានគេជជែកវែកញែកពាសពេញបណ្ដាញអ៊ីនធឺរណិត។

ជាច្រើនដងដែលគេសង្កេតឃើញ Han So Hee តែងតែសរសេរឃ្លាប្រយោគស្វីតៗដូចមនុស្សស្រឡាញ់គ្នា ខណៈកាលពីលើកមុនតារាស្រីរូបនេះបានខមមិនលើការបង្ហោះរបស់ Son Hye Kyo ថា “ឥឡូវនេះអ្នកជារបស់ខ្ញុំ” (You’re mine now) ។

ត្រឡប់ទៅរូបថតរបស់ Song Hye Kyo នៅអ៊ីតាលី កាលពីមួយឆ្នាំមុន​នៅពេលនាងបង្ហោះនៅលើ Instagram ស្រាប់តែ  Han So Hee បានចូលទៅសរសេរថា “ខ្ញុំដែរ!!! ខ្ញុំក៏ថតនៅទីនេះដែរ!!!!” ហើយកាលពីចុងខែមីនាកន្លងទៅ នៅពេល Song Hye Kyo បានបង្ហោះរូបឱបឆ្កែសំណព្វរបស់នាង ភ្លាមៗ Han So Hee ចេញមកបញ្ចេញមតិបែបកំប្លែង ហាក់បន្លំមែនថា នាងចង់ក្លាយជាឆ្កែនៅក្នុងដៃរបស់ Song Hye Kyo ។

មិនត្រឹមតែប៉ុនណេះទេ អ្នកគាំទ្ររមែងប្រទះឃើញការខមមិនបែបគូសង្សាររបស់ Han So Hee ទៅលើ Song Hye Kyo ជាច្រើនដងផងដែរ។

ទោះយ៉ាងណា អ្នកគាំទ្រមួយចំនួនទៀតមិនយល់ឃើញបែបនេះឡើយ ព្រោះថាតារាស្រីទាំងពីរដួងកំពុងត្រៀមថតរឿងជាមួយគ្នា ក្នុងភាពយន្តថ្មី ហើយពាក្យផ្អែមៗដែល Han So Hee ប្រើទៅលើ Song Hye Kyo វាអាចមកពីពួកនាងចង់បង្កើនទំនាក់ទំនងល្អជាមួយគ្នាប៉ុណ្ណោះ៕

ប្រែសម្រួល៖ សន្យា

ចុចអាន៖ ​វ័យ ៤១ឆ្នាំដូចគ្នា Song Hye Kyo និង Jun Ji Hyun ឈរនៅលើតារាងតារាស៊ីថ្លៃខ្ពស់ជាងគេដូចគ្នា