តារាហូលីវូដ ៥ ដួង រស់នៅដោយសន្សំសំចៃទោះបីល្បីយ៉ាងណាក៏ដោយ

តារាហូលីវូដមានទាំងកេរ្តិ៍ឈ្មោះ និងទ្រព្យសម្បត្តិវាល់លានដុល្លារ ទើបពួកគេមានរបស់របរប្រើប្រាស់ប្រណិតៗ ផ្ទះធំ និងឡានទំនើបជិះ។ ប៉ុន្តែតារាល្បីទាំង ៥ ដួងនេះព្យាយាមរស់នៅយ៉ាងសាមញ្ញបំផុតទោះមានចំណូលរាប់លានក្ដី ៖

១. Julia Fox

Julia ជាតារារកចំណូលបានខ្ពស់ ហើយនាងរស់នៅយ៉ាងសាមញ្ញបំផុតដើម្បីចិញ្ចឹមកូនប្រុសរបស់ខ្លួនឲ្យធំធាត់ទៅតាមសង្គមពិតដែលនាងធ្លាប់ឆ្លងកាត់ ដូច្នេះនាងជ្រើសរើសមិននៅផ្ទះធំឡើយ ។

២. Anthony Anderson

លោក Anthony និយាយថា “ខ្ញុំមិនទិញឡានទំនើបសេរីចុងក្រោយបំផុត ខ្ញុំគ្មានផ្ទះធំជាងគេក្នុងតំបន់នេះទេ” ព្រោះគាត់មានគម្រោងការរៀបចំជីវិតសម្រាប់រស់នៅបន្តក្នុងរយៈពេល ៣០ ឆ្នាំខាងមុខទៀត ។

៣. Kristen Bell

សូម្បីពិធីរៀបការរបស់នាងជាមួយ Dax Shepard ចំណាយអស់ត្រឹមតែ ១៤២ ដុល្លារប៉ុណ្ណោះ ចំណែកការចំណាយប្រចាំថ្ងៃនាងព្យាយាមប្រើប្រាស់គូប៉ុងវិញដើម្បីកុំឲ្យចំណាយប្រាក់ច្រើន ។

៤. Warren Buffett

លោក Warren ប្រហែលជាបុរសមានទ្រព្យសម្បត្តិច្រើនក្នុងចំណោមមហាសេដ្ឋីពិភពលោក ប៉ុន្តែគាត់ចាយប្រាក់រិះថាំណាស់ ។ បច្ចុប្បន្នគាត់រស់នៅក្នុងផ្ទះដែលបានទិញតាំងពីឆ្នាំ ១៩៥៨ ដដែលក្រោមតម្លៃ ៣១,៥០០ ដុល្លារ និងជៀសវាងទិញឡានថ្មីជាដើម គាត់និយាយថា ការចាយលុយមិនបានធ្វើឲ្យគាត់សប្បាយចិត្តឯណា ។

៥. Ashley Greene

នាងគិតថាការចាយលុយត្បិតត្បៀតជាវិធីល្អសម្រាប់ការរស់នៅប្រចាំថ្ងៃ នាងអាចមិនថតរឿង ២-៣ ឆ្នាំដោយគ្មានបញ្ហាហើយនៅតែមានប្រាក់សម្រាប់បង់ថ្លៃជីវភាព ចំណីអាហារ និងចំណីឆ្កែជាទីស្រលាញ់ ៕

ប្រែសម្រួល ៖ វារី

ចុចអាន ៖ មកស្គាល់តារាហូលីវូដស្រីជនជាតិអាស៊ី ៤ ដួង ល្បីខ្លាំងក្នុងសតវត្សទី ១៩