Marie ចេញមុខបដិសេធ ក្រោយល្បីទាក់ទងគ្នាជាមួយអតីតមិត្តប្រុស Aum

ក្រោយធ្លាយពាក្យចចាមអារ៉ាមអំពីទំនាក់ទំនងជាមួយសេដ្ឋី Pok ដែលជាអតីតមិត្តប្រុស Aum ភាគីខាង Marie បានចេញមុខបដិសេធជាសាធារណៈ ថាជារឿងមិនពិត ព្រោះនាងនិងមិត្តប្រុសរបស់នាងនៅទាក់ទងល្អជានឹងគ្នានៅឡើយ។

ត្បិតថាកាលពីពេលកន្លងមក តារាសម្ដែង Marie Berner និងមិត្តប្រុស Pitch Kachai ធ្លាប់ធ្លាយព័ត៌មានបែកបាក់គ្នា ប៉ុន្តែនោះសុទ្ធសឹងតែជាពាក្យចចាមអារ៉ាម ហើយចំពោះរឿងដែលថា នាងមានភាពស្និទ្ធស្នាលនឹងសេដ្ឋី Pok និងលួចបង្កាត់ភ្លើងស្នេហ៍ ក៏ជាពាក្យចចាមអារ៉ាមដែរ។

និយាយនៅក្នុងបទសម្ភាសន៍ជាមួយអ្នកសារព័ត៌មានពេលចូលរួមកម្មវិធី “THAILAND’S SONGKRAN FESTIVAL 2023” តារាស្រីរូបនេះប្រាប់ថា ខ្លួនមិនជាប់ពាក់ព័ន្ធពិសេសអ្វីជាមួយ Pok ឡើយ ហើយនាងក៏មិនបានស្គាល់សេដ្ឋីរូបនេះដោយផ្ទាល់ដែរ ពោលគឺស្គាល់តាមមិត្តភក្តិ រួចក៏មានឱកាសញ៉ាំអាហារជុំគ្នាប៉ុណ្ណោះ។ ចំណែករូបភាពដែលបានឃើញនៅលើអ៊ីនធឺរណិត គ្រាន់តែជាការថតរូបអនុស្សាវរីយ៍ជាមួយក្រុមមិត្តភក្តិប៉ុណ្ណឹងឯង។

ជាថ្មីម្ដងទៀត Marie ពុំបានលួចសាងស្នេហ៍ជាមួយអតីតមិត្តប្រុស​ Aum ឡើយ ហើយពេលនេះនាងនិងមិត្តប្រុសកំពុងមានទំនាក់ទំនងផ្អែមល្ហែមជាមួយគ្នា មិនបានបែកគ្នា ដូចគេថាតៗគ្នានោះទេ។ ដោយឡែក Pok វិញ ធ្លាប់ចេញមុខបញ្ជាក់ច្បាស់ៗថា លោកពុំបានគិតអ្វីលើ Marie ខណៈពេលនេះបេះដូងកំពុងនៅទំនេរ៕

ប្រែសម្រួល៖ សន្យា

ចុចអាន៖ MV ថ្មីរបស់តារាចម្រៀងថៃ Kratae ធ្វើឱ្យហ្វេនប្រុសៗប្រហោងពោះអស់

ចុចអាន៖ ៤ ចំណុចដូចគ្នារបស់គូស្នេហ៍ Ji Yeon-Do Hyun ប្រិយមិត្តមិនធ្លាប់ដឹង