ជីវិតកម្សាន្ដ

ផ្អើលអ្នកលេងអ៊ីនធឺណិត ក្រោយស្រ្តីម្នាក់មានមុខមាត់ដូចតារាស្រីចិនស្អាតបំផុតក្នុងទសវត្សរ៍ទី៩០

បានផុស

២ years មុន

នៅ

ថ្ងៃពុធ ៥ មេសា ២០២៣

ដោយ

ចាប់តាំងពីតារាភាពយន្ត Joey Wong បាត់មុខពីកម្មវិធី showbiz មនុស្សជាច្រើននៅតែចងចាំនាង ជាពិសេសនោះគឺថានាងជាតារាស្រីមានសម្រស់ស្រស់ស្អាតបំផុតមួយរូបក្នុងទសវត្សរ៍ឆ្នាំ ៨០ និង ៩០ ដែលគ្មានអ្នកណាស៊ីដាច់នាងទេកាលជំនាន់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញកាលពីពេលថ្មីៗនេះ អ្នកនិយមលេងអ៊ីនធឺណិតតៃវ៉ាន់ម្នាក់បានចែករំលែកនៅលើទំព័រហ្វេសប៊ុកថា គាត់បានរកឃើញអ្នកផ្សាយផ្ទាល់ជនជាតិចិន ដែលមានមុខមាត់ដូចតារាស្រីចូលនិវត្តន៍កាលពីនាងនៅក្មេង។

អ្នកនិយមលេងអ៊ីនធឺណិតរូបនេះបាននិយាយថា គាត់កំពុងអូសបណ្ដាញសង្គម Douyin ហើយគាត់បានជួបអ្នកផ្សាយផ្ទាល់ជនជាតិចិនអាយុ ២៣ ឆ្នាំមានឈ្មោះថា Yuan Zai ។ គាត់បានបន្តទៀតថា អ្នកផ្សាយបន្តផ្ទាល់ដែលមកពីខេត្ត Zhejiang បានធ្វើឲ្យគាត់មានក្ដីនឹករលឹកនិងគិតភ្លាមៗអំពីតារាល្បីមួយរូបក្នុងរឿងកំប្លែងហុងកុងឆ្នាំ ១៩៩៣ របស់ Joey គឺ “The Eagle Shooting Heroes” ។

អ្វីដែលគួរឲ្យភ្ញាក់ផ្អើលនោះ ការបញ្ចេញមតិនៅលើវីដេអូរបស់នាងភាគច្រើនគឺមកពីមនុស្សដែលច្រណែនថានាងមានមុខមាត់ដូច Joey ។ អ្នកនិយមលេងអ៊ីនធឺណិតម្នាក់បានសរសេរថា “សូម្បីតែ Joey Wong ក៏គិតថា នោះជាកូនស្រីរបស់នាងដែរ” ខណៈពេលដែលម្នាក់ទៀតបាននិយាយថា “គ្រាន់តែធ្វើតាម Joey ព្រោះនាងមើលទៅដូចជា Joey Wong” ។

យ៉ាងណាមិញ ពេលសួរថានាងចង់ចូលក្នុងកម្មវិធី showbiz ដើម្បីធ្វើជាតារាសម្ដែងឬអត់? Yuan Zai ឆ្លើយថានាងមិនសមនឹងការចាប់អារម្មណ៍ទេ ព្រោះនាងគ្រាន់តែចង់រស់នៅធម្មតាប៉ុណ្ណោះ៕