អតីតកាលរបស់ Ice Preechaya ធ្លាប់ជាកូនអភិជន រស់នៅប្រៀបដូចព្រះនាងម្ចាស់

ប្រិយមិត្តភាគច្រើនមុខតែស្គាល់តារាសម្ដែង Ice Preechaya ដែលបច្ចុប្បន្នតារាថៃរូបនេះកាន់តែមានសម្រស់ស្រស់ស្អាតប្លែក ក្រោយកែសម្ផស្សប៉ុន្មានដង និងកំពុងទទួលបានប្រជាប្រិយភាពខ្លាំងពីទស្សនិកជន​ក្នុងស្រុក។

ទន្ទឹមនឹងភាពល្បីល្បាញក្នុងនាមជាតារាភាពយន្តស្រករក្រោយ ទស្សនិកជនមួយចំនួនប្រហែលជាមិនទាន់បានដឹងពីប្រវត្តិរបស់ Ice Preechaya ថា កាលពីអតីតកាលគ្រួសាររបស់នាងមានស្ថានភាពយ៉ាងណានៅឡើយ។ តាមពិតមុនប្រឡូកក្នុងវិស័យសិល្បៈ ពោលគឺកាលពី Ice នៅតូច គ្រួសាររបស់នាង ជាគ្រួសារអភិជន ដែលនាងធ្លាប់រស់នៅស្រណុកសុខស្រួលប្រៀបដូចព្រះនាងម្ចាស់។ ប៉ុន្តែអ្វីៗបានប្រែប្រួលក្រឡាប់ចាក់ ​ក្រោយពេល​​វិបត្តិសេដ្ឋកិច្ច ​ក្នុង​ឆ្នាំ១៩៩៧ ដែលធ្វើឱ្យជីវិតរបស់​តារាស្រីរូបនេះធ្លាក់ដុនដាប និងត្រូវប្ដូរទៅរស់នៅជនបទ។

មុនពេលសេដ្ឋកិច្ចគ្រួសារធ្លាក់ចុះ ឪពុករបស់ Ice Preechaya គឺជាម្ចាស់ជំនួញដ៏ធំមួយ ប៉ុន្តែ​បន្ទាប់ពីជួប​វិបត្តិ​នៅ​ឆ្នាំ១៩៩៧ ឪពុករបស់នាង​បាន​ក្ស័យ​ធន និងនាំ​កូនៗផ្លាស់ចេញពីទីក្រុងរយៈពេល ៣ឆ្នាំ។

ទោះយ៉ាងណា ជីវភាពរបស់តារាស្រីវ័យ ៣៣ឆ្នាំរូបនេះ មិនធ្លាក់ដុនដាបរហូតនោះទេ ក្រោយពីវិបត្តិប៉ុន្មានឆ្នាំ ឪពុករបស់នាងបានចាប់ផ្ដើមជំនួញជាថ្មីឡើងវិញ និងបន្តមកទល់បច្ចុប្បន្ន ដែលពេលនេះទោះបីមិនរស់នៅទ្រនំអភិជនដូចពីអតីតកាល តែជីវិតរបស់នាងកំពុងតែមានភាពប្រសើរឡើង៕

ប្រែសម្រួល៖ សន្យា

ចុចអាន៖ Ice ទម្លាយថា នាងធ្លាប់មានជំងឺបាក់ទឹកចិត្ដអស់រយៈពេល ៨ ឆ្នាំ

ចុចអាន៖ Kratae ធ្វើឱ្យហ្វេនប្រហោងពោះម្ដងទៀត ក្រោយបង្ហោះរូបមួយសន្លឹក